*

upload_article_image

90年代移民加国曾险同老婆离婚 白彪留羊咩须改运攞男配奖

白彪称两公婆一定有拗撬,只要体谅,各自退一步,最重要勿提离婚。

74岁白彪戚《香港爱情故事》获万千星辉颁奖礼“最佳男配角”,入行52年的原来90年代移民加拿大后,也跟剧中人一样同老婆嗌文嗌到离婚。他说:“当时冇乜戏拍,心情麻麻,两公婆嗌交嘅时候又会口不择言,我同老婆讲咗一句‘咁多样嘢你识乜吖!’原来伤害咗佢,佢就记住喇!有一次我好衰,嗌到㷫起掟咗个花樽落墙度,仲掟穿咗个窿,为呢件事老婆要同我离婚,纸都差不多签埋,好彩后来大家冷静,老婆回心转意……𠮶个窿3个月都冇人理,我第一件事亲手去补返个窿,连随就补返埋段情!”

当年移民加国同老婆险离婚 白彪留羊咩须改运攞埋男配奖

白彪去年喜获龙凤胎孖孙,笑言带挈爷爷得奖。

当年移民加国同老婆险离婚 白彪留羊咩须改运攞埋男配奖

白彪说前三年没工开,就试留羊咩须改运,即获演《爱.回家》雷公角色,今年更拎奖。

白彪称两公婆一定有拗撬,只要体谅,各自退一步,最重要勿提离婚两个字。虽然现在跟老婆分隔两地,但互相信任,老婆还赞他的戏好看。他说疫下一对龙凤胎孙儿诞生,老婆也有回港探孖孙,但8月已返加拿大,因为一对孖孙在港不足月出世,他眼见就像两堆面粉仔,又因疫情关系他及家人均未能到医院探望,只能靠护士上传照片,实在担心到不得了。幸好乖孙们现已学行,才放下心头大石,为此感到开心。

当年移民加国同老婆险离婚 白彪留羊咩须改运攞埋男配奖

白彪与米雪为第一代郭靖郭靖与黄蓉。

这位第一代郭靖至今难忘当年被金庸公开称赞,因为够戆居,白彪对其郭靖演艺路亦甚回味:“1995年喺无线拍《神雕侠侣》拍住 古天乐、李若彤,我第3次做郭靖驾轻就熟,喺大陆非常红,四处登台,愈偏僻愈红,个个都好崇拜我。当年古天乐青靓白净,成个白面书生咁,哗!好好记性,好专业,演得好自然,武打同动作 都OK,古仔行出来成个杨过咁。当年我睇佢眉目气质,睇出佢非池中物,佢演古惑仔、谈情说爱、喜剧样样掂……佢晒黑咗仲好,个人sharp咗,男人味出晒嚟,改咗肤色,唔知点解啲运即刻到!”

当年移民加国同老婆险离婚 白彪留羊咩须改运攞埋男配奖

白彪看好当年青靓白净演杨过的古天乐,晒黑后更不得了。

白彪以自己为例,前三年没太多工作,就试留羊咩须改运,即获派演《爱·回家之开心速递》雷公角色,然后有对龙凤胎孖孙给他带来好运获奖。白彪又点评后辈,对林淑敏及罗天宇加以赞许:“ 我最欣赏大小姐林淑敏,佢做戏好流畅,每 一个动作、表情,我都好欣赏!罗天宇性格戆戆直直又内向,外型都似郭靖,如为郭靖选角,佢嘅演绎方法都有八、九成似。”

当年移民加国同老婆险离婚 白彪留羊咩须改运攞埋男配奖

大小姐演技获赞许。

当年移民加国同老婆险离婚 白彪留羊咩须改运攞埋男配奖

罗天宇性格戆戆直直又内向,外型都似郭靖。