*

孕妇赌博

孕妇赌博

 

6C6EB19A-D0F5-43CF-BFD8-100C02508140

作者:萧生

经常有人会讲,唔好同大肚婆打牌,次次都输畀佢,又有人会讲,去赌场,千祈唔好同大肚婆荷官玩,输硬。点解大肚婆赌运特别好?又系唔系真嘅呢?

首先我想讲吓2个我喺网上揾到嘅说法,点解孕妇赌运特别好。

1) 孕妇又称做运妇,意思就是好运的妇人,女人怀孕本来就是上天赐予的大气运,是大自然的规律来的。讲究的都是一个顺字,所以也就有了很多人相信孕妇有大气运的说法。

2) 孕妇系两为一体,你打牌系一个人一对手一对眼,而孕妇系两人四手四眼,点会输畀你。 虽然我哋无办法证明以上说法系真定假,亦都系远古流传落嚟,已经无可能揾到出处,但无所谓,赢钱就是硬道理,只要赢到钱,讲咩理由都啱。(笑)

作为男仕,我当然无可能怀孕,但老婆怀孕,又会唔会带挈到老公赢钱呢?我会答你,赢𠮶时咪会囉,输𠮶时咪唔会囉。(废话)

以下系笔者嘅亲身经历,话说早年有一次买马,当时一个星期内马会有本地马同海外马,当时手痕尝试买孖T。

我从来未玩过孖T,因为觉得边有咁好彩中呀,但真系畀我中咗,不过注码唔大,而且都算热门,回报唔高,但因为中过,几日后跑本地马就再买一次,又中。

一星期内中咗2次孖T,加埋其他投注,计计埋埋𠮶个星期都赢咗近万银,非常愉快,就喺同一时间发现原来太太怀孕,真系开心到不得了,当时就谂原来老婆怀孕都会带挈老公赢钱。

前阵子老婆又再次怀孕,由怀孕至今,我都未赢过大钱,埋单计数,今次怀孕期我仲要输多赢少,输到头到晕埋。

所以各位准爸妈,未来准爸妈,怀孕期小赌无妨,赢就归功于肚中宝贝,输嘅时候就当娱乐支出, 切勿认真以至影响孕妇及胎儿。祝大家赌运亨通

香港兔芦术数学会

** 博客文章文责自负,不代表本公司立场 **