*

upload_article_image

偷食沙律风波形象插水 保锜事隔一个月终致歉兼停工

花姐盼望保锜变得更好更成熟。

ERROR成员保锜早前疑似无缝接轨,与前女友赖嘉贤(Carrie)未正式分手便挞著新欢沙律(张沛乐),早前跟沙律开Live时又不断以粗口辱骂网民,形象插水的他更被网民洗版式在ViuTV社交平台留言要求“走保锜”!

保锜贴出一张背影相并上载道歉文。

保锜直认“之前处理感情嘅事做得唔好”,又为直播中爆粗致歉。

事隔接近一个月,保锜昨晚终在社交网撰长文向Fans道歉:“ERROR出首歌嘅MV又好、节目又好,就算肥仔、Dee哥、193做访问,记者朋友同大家都会追问关于我嘅野(嘢)。我觉得我影响咗好多人,尤其ERROR同一直钟意我哋嘅人。反思咗好多晚,虽然我讲咗好多次会重新出发,但觉得依然欠大家一个交代。我意识到一方面我之前处理感情嘅事做得唔好,另一方面,当晚直播嘅言行举止系好唔啱,说话亦无尊重过人。呢啲全部都系我嘅过失,我要面对自己嘅错,出嚟同大家再次道歉。”

保锜认为自己破坏了ERROR形象。

偷食事件曝光接近一个月,保锜终在社交网宣布自罚停工!

他又表示:“我已经同公司讲,喺完成手头上已开始嘅工作之后,所有工作将会暂停。我亦唔会参与任何节目及ERROR歌曲嘅宣传。作为ERROR嘅一份子,觉得自己连累咗三位兄弟,破坏咗ERROR嘅形象,好对唔住。而家回忆返过去同三位兄弟一齐做嘢真系好珍贵,嚟紧ERROR嘅团歌,希望大家继续支持佢哋。我知道保锜系大家眼中系一个毫无分寸嘅人,但希望下次大家再见到我嘅时候,会见到一个懂得尊重、愿意承担责任嘅人。我希望用行动证明。”

保锜月初开Live时不断以粗口辱骂网民,5分钟内爆粗40多次。

保锜与女友沙律爱得高调。

此Po一岀,不少网民都猜测保锜是否打算退团,有粉丝更担心ERROR就此解散。不过自爆粗事件后,一直潜水零回应的经理人花姐(黄慧君)就开腔回应:“尊重保锜决定,畀啲时间佢沉淀,知道佢今次好内疚,觉得佢上了人生一课,我有信心保锜再见大家的时候会变得更好更成熟,期待再见到ERROR 4子嘅画面。”

保锜被前女友Carrie闹爆男方一脚踏两船。

一直潜水零回应的经理人花姐首度开腔,盼望保锜变得更好更成熟。