*

upload_article_image

陈豪离港靠锡mon解相思 为家人健康瞓觉照戴口罩

好爸爸!

陈豪(阿Mo)最近在《陀枪师姐2021》演“懵Sir”,但现实中他绝对精明,锡老婆仔女并非单靠揾钱养家,疫情下出席公开场合外科口罩永不离面,连在家瞓觉也全程戴住,为保护家人几辛苦都冇计。不过即将要到内地为新剧《白色强人II》开工的他,首次跟家人长时间分隔两地,他预计同家人视像会狂锡个mon解相思。撰文:杜淑霞 摄影:谭壹致 服装:中艺、Theory

【头条独家】为家人瞓觉照戴口罩 陈豪离港靠锡mon解相思

阿Mo的牛年愿望是演艺工作跟咖啡生意都可以稳定发展。

阿Mo在01年拍过《陀枪师姐III》演大奸角“陈耀扬”,今次再拍同系列变成可爱阿Sir,不过他认为仲难演,“喜剧其实好虾人,一多就over,一少就唔足够,好靠演员摸到观众嘅路线同笑点。”但幸好拍住默契十足的宣萱,“佢系个好照顾身边所有人嘅人,一个大好人,佢今次仲教我化妆同美容,又帮手畀意见啲新人。”

【头条独家】为家人瞓觉照戴口罩 陈豪离港靠锡mon解相思

阿Mo跟宣萱老友鬼鬼,合作起来份外有默契。

提到早前在《万千星辉颁奖典礼》全程戴口罩获赞,阿Mo认为这是最基本可做到,“冇人怪你做多,只有怪你做少,喺呢个时间防疫意识系紧要。你话我谨慎,我其实唔止㗎!我连瞓觉都戴住,喺屋企都戴住你咪知道囉!因为我拍戏有好多人,又成日周围去,我唯有返屋企就换个新嘅口罩,全程戴住除咗食嘢。”但仔女有时会话:“爹哋好耐冇见过你个样。”但他有将防疫意识灌输给小朋友,令他们乖乖戴口罩,“对细路仔要当佢大人咁对待,要同佢解释发生咩事,点解唔使返工返学,咁佢哋就唔会扭计。”

【头条独家】为家人瞓觉照戴口罩 陈豪离港靠锡mon解相思

新年有几日假期,阿Mo争取同家人相处时间。

早前陈茵媺贴出细女Camilla见到爹哋即咀mon的得意相,原来有机会案件重演,因阿Mo在3月要去深圳拍《白色强人II》,要隔离而逗留时间特别长,“计埋拍要逗留两个半月,冇试过咁耐冇见佢哋。”平日跟家人黐到实的他,已预告畀小朋友知,“要早啲讲畀佢哋听,知道几时要走心理压力冇咁大,好似睇电视睇多5分钟,唔好即刻熄咗佢,畀啲时间佢哋准备吓。佢哋梗系话爹哋唔好走,见你出门口就话爹哋你走啦!哈哈!到时唯有靠视像囉!”笑他到时仔女疯狂锡mon之余,他可能锡得最劲,他点晒头:“无错呀!”

【头条独家】为家人瞓觉照戴口罩 陈豪离港靠锡mon解相思

早前阿Mo在《万千星辉颁奖典礼》全程戴口罩获赞。

【头条独家】为家人瞓觉照戴口罩 陈豪离港靠锡mon解相思

瞓觉都戴口罩的阿Mo,下厨时当然罩不离面。

【头条独家】为家人瞓觉照戴口罩 陈豪离港靠锡mon解相思

早前细女Camilla 见阿Mo出现,即狂咀mon上的爹哋。

【头条独家】为家人瞓觉照戴口罩 陈豪离港靠锡mon解相思

阿Mo一家防疫意识相当高,出入必戴口罩。

【头条独家】为家人瞓觉照戴口罩 陈豪离港靠锡mon解相思

阿Mo为保护家人几辛苦都冇计,宁愿无时无刻都戴上口罩。