*

upload_article_image

前空姐爆灵异传闻 华仔星爷拍《整蛊专家》撞鬼后唔敢再合作

真系有啲恐怖~

前空姐“阿Tsar”早前开YouTube Channel“Smart Travel”转型做YouTuber,大爆娱乐八卦史,包括十大明星“好客、西客”、“富豪饭局”、“电视台高层搞淫乱全男班船P”等,大受网民欢迎,剥到一地花生。昨晚(1日)她再爆发生喺刘德华及周星驰身上嘅灵异传闻,呢个传闻近年传到绘声绘影,相当惊吓!

前空姐“阿Tsar”早前开YouTube Channel“Smart Travel”爆娱乐八卦史,大受网民欢迎,有七万几人订阅。

观看相关影片按以下画面:

华仔接受传媒访问时曾话过视星爷系偶像,可惜星爷同华仔自91年拍完电影《整蛊专家》再冇合作过,阿Tsar表示传闻同灵异事件有关,“话说当时两人凌晨喺外景场地等埋位拍《整蛊专家》,星爷等到有啲肚饿,见远处有个10几岁嘅后生仔,星爷就扬手叫他过来代劳买宵夜。年轻人自称系星爷影迷,满心欢喜乐于效劳,仲话能为偶像效力经已好开心喇!唔使畀钱。此际华仔途经,星爷叫华仔搭单买埋。”

唔知华仔、星爷撞鬼事件系咪真,但两人自91年拍完电影《整蛊专家》再冇合作过拍电影。

之后两人接过宵夜,连声多谢年青人,年青人亦告功成身退。突然华仔发现櫈边有份报纸,顺手执起打开,一睇成个人吓到弹起,醒晒话:“唔系咁整蛊我呀?”原来喺片场见到嘅年青人,喺㖊日一宗致命交通意外被车撞死!

《整蛊专家》仲有“大美人”关之琳演出。

之后华仔揾嚟大师为两人占卜,大师劝两人唔好再合作,否则对两人不利,但究竟撞鬼传闻系真定假?有待向当事人查证。但曾系周星驰所属嘅星辉公司负责人之一嘅田启文(田鸡)就爆过星爷每次拍戏要过夜时,最怕就系一个人瞓酒店,所以拉他同房瞓客厅,而且唔准他熄灯。

周星驰(左二)、田启文(右一)合作无间,田鸡知星爷最怕黑。

星爷曾拍过鬼片《回魂夜》,戏中演天不怕地不怕Leon,然而星爷本身非常怕黑,唔知系咪见过鬼怕黑?