*

upload_article_image

符晓薇恨追牛B呻老公唔够勤力 陈柏宇:唔通晚晚做呀

睇怕都系一件苦差。

Jason和Leanne恨追牛B,但Leanne投诉老公唔够勤力造人嘥卵,搞到Jason大呻:“唔通晚晚做呀!”

陈柏宇(Jason)17年跟符晓薇(Leanne)结婚,翌年诞下囡囡陈羿辰(Abigail),一切以囡囡为先,可惜遇上疫情被迫经常匿埋屋企,踏入牛年他们最想囡囡可顺利返幼稚园。Abigail太得意,两人都想牛年追多个,不过Leanne去年中切除左边输卵管,令受孕机会大减,唯有每个月计住排卵期造人,令Jason大感压力。两夫妻访问时不停互窒劲耍花枪,睇嚟好快有好消息啦!

Jason和Leanne见Abigail太得意,都想牛年追多个BB。

陈氏夫妇觉得鼠年对小朋友影响特别大,Leanne说:“我哋不嬲都冇谂住畀Abi(囡囡暱称)读M班,谂住佢未返K1就同佢去旅行,学多啲、睇多啲,用眼睛去自己感受,但系冇得飞,佢见到小朋友好钟意,就决定畀佢返学前班玩吓。”不过Jason认为这段日子也有好处,“唔出得街,少咗工作多咗思考机会,又多啲同屋企相处机会,唔系all bad嘅!”

Leanne讲到赶排卵期造人,Jason即搞鬼做个被鞭打动作。

Jason早前自爆受疫情影响搞到快要乞食,他承认入不敷支,使紧之前积储。Leanne说:“我谂呢一年个个都系咁!(陈:你唔系呀!)”讲完两夫妻相视而笑。Leanne即识做狂赞老公,“爸爸比较大压力,爸爸揾嘅钱要攞嚟养屋企,我揾嘅钱冇话要摆喺屋企𠮶边,爸爸呢样嘢好好㗎!”Jason听完仍忍唔住呻,“我唔想㗎!(老婆揽住他笑得劲尴尬)其实我冇得拣咋!我梗系想你帮吓手照顾吓屋企啲起居饮食啦!(符:乖!乖!)”

Jason被Leanne投诉唔够勤力造人,即搞笑反问对方系咪要晚晚造。

踏入新一年,两人最想Abi在9月顺利返幼稚园,Leanne说:“上zoom对咁细个小朋友唔见效,呢个年纪好多嘢系感观性,唔想佢喺K1都系对住部电脑,同埋佢share嘢好差,乜都话is mine。”不过两人都有俾Abi冧爆时候,“佢挂住你嘅时候,去接佢放学系会喊。”Leanne爆其实Jason好享受同Abi这种重逢情景,“佢enjoy《蓝色新生恋》咁!而我有日换完衫去做嘢,Abi话mummy you are so pretty!我哋喺度狂笑。”

近排见疫情回稳,Jason先够胆带Abi外出。

超得意的Abi,令两夫妻想再生B,可惜Leanne去年中怀第二胎后,因宫外孕致输卵管爆裂,要切除左边输卵管令受孕机会大减。Leanne说:“边有努力过!(Jason鬼马做被鞭打动作)老公同我讲唔好咁大压力畀佢!我都唔知努力呢个字,衬唔衬得起喺我哋身上!(陈:你想点呀?晚晚做呀?!)我惊miss咗个黄金时间!(陈:你成日计住个黄金时间已经系压力啦!)嘥气!浪费我青春呀!有一个月我真系好嬲,成日miss咗黄金时间,浪费紧我啲卵呀,哈哈!”不过,快将38岁的Jason坦承只会追到40岁,因不想跟小朋友年龄相差太远,但生仔定女都冇所谓。

平日冇机会出街,Jason就喺屋企度桥同囡囡玩。

去年8月,Leanne在社交网公开6月怀第二胎时,因宫外孕致输卵管爆裂要切除左边输卵管。

由于Abi颇黐身,Jason和Leanne有时开工都会带埋佢。

Leanne谓Abi好有性格,冲凉首选要妈咪陪。