*

其他文章
入行20年最嬲老婆被骂 林峯Man爆护妻:攻击我,随便!
upload_article_image

沈卓盈佗B开工仆亲老公嬲爆 梁诺妍踢爆“瞒孕”拍综艺节目 

大肚就要小心啲喇。

大肚Jess因妊娠反应,令她拍摄《五星级丝打II》时好易攰、飙汗又呕,搞到卡都冇力打。

沈卓盈(Jess)和邝芷凡(Omi)及新加入的“女神经”梁诺妍(Inez)为香港开电视节目《五星级丝打II》担任主持。后两者唔觉意踢爆大肚Jess拍摄时着高踭鞋跑上跑落,仲试过被地毯Kick到双膝撞落地,吓到老公喝令佢唔准再出街!讲到《五》节目超旺丁,上辑主持倪晨曦和Jess先后大肚,自言随时“闪生”的Inez即被爆趁机睇酒席,仲睇到流哂口水!

Jess早前于IG晒性感旧照,庆祝与老公杜灏标结婚两周年纪念。

Jess在拍摄期间一直“瞒孕”,有次仲被地毯Kick到双膝撞落地!

36岁的沈卓盈与商人老公杜灏标结婚两年,今年元旦宣布造人成功!目前佗B约7个月的Jess早前瞒孕拍《五星级丝打II》,邝芷凡和梁诺妍大爆:“佢唔想我哋Extra take care佢,惊麻烦到我哋,所以佢冇同我哋讲,如果知道就会叫佢小心啲,佢成日着对好高嘅高踭鞋行嚟行去,早几日膝头哥仲撞咗落地,瘀晒,好危险!”问老公可有担心?Jess娇嗔:“佢听到都吓死,叫我唔好岀街,边度都唔好去,但俾地毯Kick亲唔关我事㗎嘛,以后会加倍小心。”

Jess于今年元旦宣布荣升准妈咪了!

佗B升Cup 拥有32C巨咪的Jess相信怀孕后上围会再度升Cup。

大肚Jess忽然抗拒食一向至爱的甜品,反而狂食淀粉质。

大肚易攰

提到介绍了不少酒店及美酒佳肴,大肚的Jess却未能尽情享受,Inez笑言生冷及最高级的美食都由她“顶”,Omi补充:“佢食得嘅我哋都畀佢大快朵颐,平时拍嘢只系食两啖,但今次佢食晒,食饱就瞓,令我哋都好怀疑佢大肚。”Jess坦言因妊娠反应,令她拍摄时好易攰、飙汗又呕,搞到卡都冇力打,“𠮶时好饿,但又谂唔到食乜,好纠结。”向来嗜甜的她更忽然抗拒甜品,转食Pizza、薯条,令好友陈凯琳猜测今胎是B仔,Jess故作神秘:“我知BB性别,但想畀大家估吓,仔女都冇所谓,最紧要健康。”

Jess

Inez

Omi

(左起)Inez、Jess、Omi。

Jess和Omi(右)再为《五星级丝打II》任主持,今次仲有“女神经”Inez(左)加盟,令大家变得好Wild。

现怀孕约7个月的Jess早前仍频频穿3吋细跟高踭鞋拍外景,睇见都觉得牙烟!

节目中尝尽美酒佳肴,但生冷嘢及酒都冇Jess份,而能吃的都被Off cam后的Jess鲸吞晒。

Inez(右)被Omi(中)大爆拍摄酒店特辑时,趁机睇定婚宴场地,仲流晒口水!

随时闪生

对于《五》非常旺丁,问被批奉子成婚的Inez会否是下一个?她即射波:“Omi加油呀!(Omi:佢已经睇晒新房、婚宴场地,仲流哂口水,应该Ready喇!)冇呀!我年纪Ready囉,又唔惊大肚嘅。(期待?)有就嚟㗎喇,话唔定真系闪生。”Jess即笑称要对亲家,那么跟洪永城几时结婚?Inez说:“冇特别计划,我哋都顺其自然、玩即兴嘅,而家向住呢个方向进发。”

Inez与洪永城拍拖两年多感情稳定,后者早前还传已求婚。

Omi于上辑《五》穿比坚尼做Spa,不过今次性感场口欠奉。

Jess日前跟Omi一齐去探望上辑拍档Elva与儿子Virgil,顺道请教凑仔经。