*

文王卦卦例之搅唔搅得成?

35886704-686A-4087-A8A1-8D9C2316EA5C

作者:Stephen

上年年初爆发既世纪疫症,至今令全球民众叫苦连天。其中感受最深莫过于准备结婚摆酒既准新人。场地、化妆、律师、花球、酒席……等等等等,延期又延期。其实,除咗一对新人要面对各种各样既烦恼之外,受邀请既宾客都可能会纠结于出唔出席。尤其家中有小朋友既,更加会有多一重顾虑。

朋友H早于2018年年尾已经筹备婚礼同婚宴,原本好日子订喺20年3月,可惜疫情来袭,政府一个限聚令,全港所有婚宴场地无一幸免地要暂停所有宴会,朋友H唯有延期到八月。

好景不常,社交限制措施喺八月再度收紧。朋友H决定再延期到12月22日。而身为爸爸既我就烦恼完一次又一次:究竟去,定唔去好呢?会唔会限聚令到𠮶日都未放寛呢? 于是,我用文王卦占测一下,朋友H既婚宴能唔能够喺当日顺利举行。

占卦之日系庚子年甲申月庚戌日(2020年9月4日),得出寅卯空亡。本卦天泽履,变卦风雷益。世爻为自己,兄弟爻为朋友H,应爻为婚宴场地。应爻持玄武官鬼卯木,化变爻官鬼寅木,两者皆落空亡。空亡化空亡系无得填实,不论系寅年卯月,卯月寅日,寅日卯时……一律无得化解,既无生克力量,亦无冲合作用,系黑洞之中既黑洞。应爻空化空,代表婚宴场地有事情令到佢提供唔到服务,无任何顾客光顾。再加上日子戌日来合落左空亡既官鬼卯木,合空有表吉实凶既意思,亦系无得化解,似乎当日依场婚宴未必搅得成。睇下12月22日己亥日对支卦有无咩启示?亥日合变爻官鬼寅木,又系合空,答案呼之欲出。

<2020年12月10日,政府宣布晚上6点后禁止堂食>

朋友H非常失望,最终决定先行注册,婚宴就暂时搁置。

<2021年2月18日起食肆恢复晚市堂食至10时+>

其实支卦仲提供咗唔少资讯,有机会再同大家分享。

今次疫症带黎既影响实在空前巨大,

香港兔芦术数学会

** 博客文章文责自负,不代表本公司立场 **