*

upload_article_image

李施嬅婚讯后首次现身 对未婚夫有信心唔会偷食学生

施嬅表示要视乎疫情才筹办婚礼。

人逢喜事精神爽,李施嬅首度出席时代广场举行嘅展览活动时,提到未婚夫Anson神采飞扬。

上月初突爆婚讯的李施嬅,仲惊爆未婚夫原来系身形健硕嘅靓仔星级健身教练车崇健(Anson Cha),周润发、郭富城、杨千嬅、吴镇宇、关智斌等都系他学生。今日李施嬅容光焕发,首度出席时代广场举行嘅展览活动,她透露因疫情关系,双方家人未能飞到香港,故要视乎疫情才能筹办婚礼,亦未注册,但不介意等到明年才完婚,反正大家处于半同居状态,早已认定对方是终身伴侣。

施嬅强调Anson好专业,唔会挞著学生,所以好放心。

老公唔钟意懒人呢世都要勤力

Anson Cha劲大只,想搣佢嘅厚实“朱古力”。

她开心说:“我拍戏已经结过好多次婚,搞唔搞婚礼冇所谓,最紧要家人开心,爸爸最近好开心,我宣布婚讯后到家姐宣布喜讯,佢婚期比我更早!”施嬅与车崇健由朋友介绍,大家秘恋4年,只得十个八个朋友知情,她冧爆说:“佢简单、细心、上进兼勤力,男友钟意我叻同埋勤力,佢唔钟意懒人,所以我呢世都要勤力,否则怇就唔爱我喇!”她又劲赞Anson系香港最叻嘅教练,有好多学生,但畀啲空间佢,唔好讲太多,更唔回应未婚夫系咪KOL车志健弟弟,惟一可以讲:“佢好专业,唔会挞著学生,而我唔系佢他学生,只会间中指点我一吓,如果由佢嚟教我,可能我哋会嗌交。”

因为男友趁喺美国潜水时,好有心思咁喺海底求婚。

上月上载求婚戒指照片并宣布婚讯。

施嬅忆述男友正式求婚一次,她就Say Yes:“因为我钟意海洋,我哋喺美国潜水时,佢好有心思咁喺海底求婚,戴上戒指时仲有鲨鱼。”她又解释早已想宣布婚讯,但男友是圈外人,担心吓怕对方,又笑说:“宣布婚讯后,男友去茶记食饭被食客恭喜,佢好怕丑,面都红埋,𠵱家佢比我红!”

求婚戒指好闪呀﹗

型男Anson教周润发、郭富城、杨千嬅、吴镇宇、关智斌等健身,施嬅眼中香港最叻嘅教练。

李施嬅同男友处于半同居状态。

至于会否勤力“造人”?她自言喜欢小朋友,但顺其自然,不刻意,现在先玩陈山聪个仔,自己的,有就有、冇就冇囉!

李施嬅怕会闹交,唔会跟未婚夫学健身。

她自言造人大计顺其自然,暂时玩住陈山聪个仔。