*

upload_article_image

泳儿越坐屋企越瘦 扫乌冬薯片落力增肥

太瘦的确唔系咁好。

泳儿日前落铜锣湾买蛋糕,又去超市买乌冬及薯片。

个个都因为Stay home抗疫肥,唯独疫情下令工作大受打击的泳儿,虽然成日匿喺屋企玩煮饭仔,但却愈“宅”愈瘦,早前仲自爆瘦到要改衫!以为私下佢一定食得好少又好清淡,日前《头条日报》记者于铜锣湾撞到泳儿,当日佢同友人买完蛋糕又去超市买乌冬,临走前仲扫咗几包松露薯片,睇嚟佢增肥意欲都几强。

泳儿拎住包$12.9的赞岐乌冬研究好耐先扑锤。

泳儿在护肤品专门店兜咗一圈都冇帮衬。

当日晚上约7时,泳儿与女友人现身希慎广场地下睇护肤品,惜两人兜咗一圈都冇嘢拣啱,随后直接到底层MARKET PLACE买嘢食。其间,友人在雪柜挑选冷藏食品时,泳儿都好贴心,一路手脚并用帮对方顶住度门;及后去睇面食,她与友人各自拎一包上手研究,最终望咗半分钟.泳儿先擸走一包$12.9的赞岐乌冬,认真精打细算。

泳儿与友人一齐企喺街头Call车。

薯片都几贵

泳儿帮友人顶住个雪柜门,好贴心。

临走前,泳儿扫咗几包松露薯片。

畀完钱后,本身已抽住一袋CACAO SAMPAKA蛋糕的泳儿好为食,与友人会合另一男性好友后,便一齐到上层买$69一包的新加坡顶级纯手工松露薯片。最后,满载而归的他们返回地面,男友人饮完嘢翘埋双手企一边,两位女士就在旁忙着揿手机App Call车,大概等了10分钟,众人便登上座驾离开。

泳儿(右)早前出席活动时露腰晒“马甲线”。

泳儿与女友人在希慎广场买完嘢食便回家。