*

upload_article_image

与黄定谦合作拍剧成好友 Ian同女友卢慧敏唔介意再合作

Ian表示他们三个随时ready拍续集。

Ian(陈卓贤)@MIRROR跟女友卢慧敏(Amy)及黄定谦(Himmy)合演新剧《无限斜栋有限公司》,令他们由不认识到成为情侣及好友,剧中他们有不少跟影帝及影后级前辈合作机会,他们都觉得不紧张,因前辈亲切又好玩。问到Ian和Amy恋事,Himmy不时出来挡驾相当老友,但Ian和Amy坦言不介意再合作,更想一齐拍续集。

Ian跟Amy和Himmy因这次合作《无限斜栋》令感情升温。

今次剧集有强劲架士参与不同单元,包括有影帝太保、影后叶童及其他资深前辈,但三个主角完全冇紧张。Ian说:“前辈佢哋对我哋好nice,完全冇前辈架子,我哋食饭坐埋一枱倾偈。”原来连前辈也跟他们玩埋一份,Ian说:“黄光亮前辈饰演嘅‘泰哥’,系个好恶嘅江湖中人,佢上嚟(公司)揾我哋,第一次见佢当然好惊啦!我哋斟茶畀佢饮,我哋就手震,佢又跟住我哋震,好开心大家好似一齐玩紧咁。”

三人剧中有不少轻松戏份,Ian爆Himmy经常被他搞到狂笑NG。

Ian开心前辈黄光亮配合他提议演出,合作完全冇隔膜。

虽然Ian同Amy在《男排女将》合作过,但Ian投诉女友对他完全冇印象:“我哋冇讲过嘢,佢唔知我喺𠮶度𠻹!”Amy狂笑解释:“因太多人,我做咗‘花花’(角色)半个钟,我只系知讲嘅对白,边个应我唔系好记得,我记得你(Ian)𠮶时红色头发!”Ian笑言:“佢话我红色头发,我咁大个仔未染过红色头发!”

由于是当日第一档访问,Ian未习惯同女友合照,尴尬得可爱。

Ian跟Amy剧中有感情线,更有咀嘴戏份。

Ian剧中角色表面玩世不恭,实则是个暖男,好识照顾Amy,问他是否同现实一样,他望向Himmy,而Himmy竟话自己可以评价,“佢对我好好㗎,买嘢畀我食,买咖啡问我要唔要。(有冇怀疑系‘大叔的爱’?)唔使怀疑,已经系啦!(Ian:我钟意佢个新发型有安全感)”Amy笑指自己只是第四者。

Ian和Himmy大赞Amy喊戏出色,够真摰兼每个take都保持水准。

剧中Amy被Ian和Himmy同时吸引,她觉得钟意一个人会被跟自己不同优点所吸引,问男友有何跟她不同优点,Ian提水:“我只眼细囉!”Amy说:“好人囉!”拍拖后两人首次一齐做宣传,两人都话唔尴尬,Ian说:“我哋工作嘅时候,就同事咁样。”至于再合作都不介意,Amy说:“我哋仲话要开续集。(Ian:我哋三个随时ready)”