*

upload_article_image

【扫街小食强阵出击】一套邮票 叹齐11款经典地道小食😋

热烈订购中:https://bit.ly/2PXHSum

⚠️以下内容会令观众流口水或发口痕,敬请留意!⚠️

街边笃串“鱼蛋”、大排长龙只为几条沾满甜酱同麻酱嘅“肠粉”、霎时选择困难症发作,拣极都未拣好要边“三宝”……呢啲扫街揾食嘅乐趣,平平地已经食到捧住个肚嘅满足,都系我哋专属嘅生活小确幸❤️。

珍藏卡(新产品)

无论系想keep fit唔敢食太多,又或者系平日要捐窿捐罅先食齐嘅怀旧小食,今次都可以一次过喺“香港怀旧小食”特别邮票中揾到。一套珍藏卡,内附1套6枚自动黏贴邮票,集齐鱼蛋、糖葱饼、煎酿三宝、菠萝油、卤水串及花生糖6款令人心心眼嘅经典小食,放喺枱头,不得之了。如果“望梅”真系可以“止渴”,今次应该可以“望邮票、止口痕”喇!

$2 “笃鱼蛋”嘅经验相信人人都有。粒粒爽口弹牙,原味咖喱汁各有所爱,档口自家秘制惹味酱汁更系精髓所在,愈辣愈要食,过足口瘾。

$2.6 答得出钟意食糖葱饼嘅你,应该有返一定人生阅历了。其实糖葱饼系用麦芽糖制成嘅糖胶,因为外形同葱白相似而得名,入面加入椰丝、芝麻同花生等馅料,甘香松脆,系上世纪五六十年代从潮汕地区传入香港嘅。

$3.40 讲起煎酿三宝,人人喜好不同,可以系青椒、红椒加茄子,亦可以系红肠、豆腐,酿埋鲮鱼胶滚油一炸加豉油,咁又一餐了。

$3.7 菠萝包入面从来没有菠萝,只有一块貌似菠萝表面嘅酥皮。热腾腾嘅菠萝包,加上鲜油一块,好味到呢……食完再做运动啦!

$4.9 墨鱼、红肠、鸡肾、各式杂碎嘅港式卤水,食之前当然要加啲甜酱、芥辣先叫原汁原味。

$5 花生糖系来自潮州嘅民间小食,将炒好嘅花生,加上用麦芽糖同白砂糖煮成嘅糖浆,小件小件放入口,香甜松脆。

邮票小型张
介绍完以上小食,你一定觉得“唔够喉”,因为沾满甜酱、麻酱同辣酱嘅猪肠粉、滑一滑嘅豆腐花、甜而不腻嘅麦芽糖夹饼、烟烟韧韧嘅砵仔糕,以及经典嘅鸡蛋仔,今次被制作成邮票小型张,用另一种设计同大家见面。呢套邮票同小型张都用咗压印技术印刷,令小食更有立体感。

套折
唔止咁,仲有以鸡蛋仔为造型嘅套折,封面设计加上传统啡色纸袋嘅元素,充满咗怀旧复古嘅气息。

小版张
仲未讲完,小版张上有多种怀旧餐具,同埋香滑浓郁、人见人爱嘅港式奶茶等元素穿插点缀,令整个邮票主题更突出。

写到呢度,小编表示:抹完台面嘅口水,真系要出去医医肚先。如果你都想将以上港式味道好好记低,呢套邮票,必买:https://bit.ly/2PXHSum

最后诚意邀请你Like 埋香港邮政Facebook专页“邮票.邮趣@Hongkong Post Stamps”紧贴最新邮票资讯!