*

upload_article_image

耕开田冇难度 郑伊健吁城市人郁多啲

伊健有多次种田体验!

郑伊健与经理人林珊珊及她的女儿西瓜(李澄)、野人(李怡)一得闲就会约埋一齐玩,所以当珊珊的网上频道《大家好 ALL IS WELL》与浸会大学学生合作拍片体验做一日农夫时,即刻谂起可以邀请郑伊健带埋西瓜及野人一齐体验农夫生活,初次下田的珊珊更一试就爱上,计画之后租田地更深入体验乡郊生活。

伊健有多次种田体验。

平日热爱运动的伊健早有准备,知道要到农场体验就带备新款有型的太阳帽来拍摄,之前已有多次种田体验的他说:“我之前都试过好多次同住新界嘅朋友一齐落田耕种,但珊珊佢哋应该就系第一次,所以每样嘢佢哋都会觉得好新奇,有时会问一啲意想唔到嘅问题,初时会奇怪佢哋点解会咁问,但可能第一次真系好多嘢唔知,或者观众都唔一定知,今次嚟到呢度体验农夫生活令我哋认识多咗农场嘅嘢。”

林珊珊耕出新兴趣,仲打算租田。

伊健仲提醒香港人要多郁动,“大家城市人,为咗令自己身体健康,间中去郊外郁动吓拎下锄头,总好过成日坐喺度。耕种严格来讲都系一种运动,不过系最轻松嘅运动,我觉得一啲都唔辛苦,有时间系应该多啲到郊外参与耕种。食物对香港人嚟讲好重要,但太少人参与种植,所以应该支持呢个落田概念。”

伊健觉得种田系最轻松嘅运动。

珊珊虽然首次落田,但自言已经爱上,

“一直好期待,其实我一直都好想试,所以由开会听到话要做一日农夫,已经好开心好兴奋,到现场劳动咗一日,就更加想租一块田来耕种,刚才问过呢度啲朋友话真系可以租,公司同事都好支持我,希望可以好快实现。”身旁的西瓜也插咀说:“其实我嚟之前好担心,唔知应唔应付到,因为自己平时有啲娇生惯养又怕虫又怕湿,估唔到虽然唔熟手,又鸡手鸭脚,又跌嘢又差啲将个锄头锄到人,但非常之咁 enjoy,不过最开心都系之后食新鲜蔬菜𠮶阵,入口嫩滑新鲜,加埋新鲜天然嘅配料,就明白我哋平日食嘅嘢有几人工化。”而身为瑜伽导师的野人也很享受今次的体验,“今日只系畀自己60分,如果冇时间嘅限制,应该可以做得更好!”

珊珊两个女都系第一次落田。

野人畀自己嘅第一次60分。

三人最开心食新鲜蔬菜𠮶阵,入口嫩滑新鲜。