*

upload_article_image

公开择偶条件 陈滢自认醋埕难与圈中人发展

陈滢择偶嘅先决条件系个男仔要系family man。

陈滢最近在剧集《爱美丽狂想曲》饰演男人婆“李小勇”,她承认拍摄令自己麻甩一面放大了10倍,她更自爆早前拍《Tiger'sTalk》主动逗方力申,也是受角色大胆表现影响。她自言拍过4次拖,而16年跟何猷亨分手后一直单身,强调希望下任男友会是未来丈夫,所以会小心开始,更公开择偶条件,但自认是醋埕难跟圈中人发展。

陈滢拍《Tiger's Talk》主动逗方力申,她怪受“李小勇 ”表现影响。

陈滢期望下个男朋友将会是未来丈夫,所以会审慎决定才开始。

陈滢认为“李小勇”是她演过最似自己的角色,“将陈滢本身有嘅嘢乘咗10,演完后愈嚟愈似‘李小勇’,我好记得有次同我班姐妹食饭,赖慰玲突然间话‘陈滢你搞咩?讲嘢又粗鲁又讲粗口!’”佢咁讲我突然叮一叮,我演完之后,乐小姐、两个经理人、屋企人、朋友都叫我唔好咁麻甩,始终系女仔嘛!”

陈滢在《爱美丽狂想曲》的性感演出,她用“李小勇”角度出发冇当自己是女人。

陈滢坦言除了打扮,其实自己平日跟“李小勇”一样麻甩。

讲到跟小方的绯闻,陈滢再三强调只属好朋友,《Tiger s Talk》访问表现都怪“李小勇”影响,“点解令到人哋误会我同佢有嘢,首先怪责我啦!我喺个访问上玩得太过火,我会怪‘李小勇’个角色,演完变咗好麻甩好大胆,完全唔顾面子,我就系用咗呢个态度去做访问,拍完之后,伍姑娘(伍咏薇)都话‘哗!阿滢你好犀利!’我真系怪‘李小勇’,演到直情入咗骨,做完𠮶个访问知衰啦!系时候抽离啦!(小方误会?)咁又唔会,我哋真系好friend。”

陈滢早前拍《Tiger's Talk》主动逗方力申,还大玩合卺交杯。

陈滢坦承跟何猷亨分手后一直单身,对于屡传收兵也觉无奈,“人哋成日话你好多兵,好多人追你,真系唔系,讲极冇人信,讲真如果我有拍拖,你哋点会咁多年冇影到,我拍拖唔会收收埋埋,我系好enjoy出街拖手同食饭。”

去年陈滢出席何鸿燊葬礼,一度被指跟前度何猷亨复合。

至于择偶条件,陈滢竟怕呷醋唔拣圈中人,“先决条件个男仔要family man,理想对象好似阿Mo(陈豪);外型唔好太瘦就得,因我本身大只;性格要稳定啲,唔好太过飘忽。圈中人我唔抗拒,但我应付唔到,同埋我好容易呷醋,如果男朋友like人哋啲相,会问‘做咩like佢啲相’,如果佢畀到合理解释就算,呢啲我好敏感,所以圈中人我未必得。”

加拿大返港接受隔离的陈滢,每日收到不少礼物有指是追求者送。