*

upload_article_image

传重返星梦做“一哥” 胡鸿钧唔介意再同许廷铿亲密作战

Hubert被指系“刀削面”,所以决定派刀削面畀大家。

被指系“刀削面”嘅胡鸿钧(Hubert)今日(20日)到新城电台宣传新歌《整亲》,他更搞搞新意思,喺电台度派刀削面及整亲急救包畀DJ,嚟增加宣传效果!Hubert笑称,多年嚟大家对他评价,都系围绕整容呢个话题,所以决定派刀削面畀大家,因为有价值才会有人评论,唔介意被炒作。问到会否“削面还父”叫朋友送面畀爸爸?他笑言:“好呀!食完可以再送。”

胡鸿钧新歌都系由旧公司星梦娱乐频道上架。

胡鸿钧落新城电台做宣传,大派刀削面及整亲急救包给DJ。

已约满星梦娱乐的Hubert新歌同样在旧公司频道上架,传他“弹出”睇准形势后,将会“弹入”继续做“星梦一哥”,Hubert不否定传闻:“仍然喺洽谈阶段,有待正式公布。”问到究竟系差咗啲乜?系咪要睇真啲,见机行事呢?他笑住解释:“系我衰!太忙!”他又否认迟迟未动笔续约系要求高,要争“一哥”之位,强调从来不在意:“哥前哥后三分险,我只想揾间唱片公司合作做自己嘅音乐,最重要系共同信任及有相同理念,‘一哥’从来唔系我介意嘅问题。”

胡鸿钧由以前“四方面”变咗现在“刀削面”,多年来成为炒作话题。

“刀削面”胡鸿钧欢迎跟旧密友许廷铿再做同事。

另外,有传他前度密友许廷铿有机会重返星梦娱乐,Hubert声称没所谓,亦不是他控制范围,最重要一齐做好音乐,他希望大家在香港乐坛都找到自己方向:“我好欢迎所有香港歌手,大家喺同一个家庭。”

有传许廷铿有机会重返星梦娱乐,Hubert声称没所谓,亦不是他控制范围。

横扫今年劲歌总选多个奖项嘅Hubert竟强调,从来唔介意系咪做“星梦一哥”。

胡鸿钧唔介意系咪同周柏豪平分男歌手奖。