*

upload_article_image

被Edan扮锡感尴尬 黄德斌唔敢睇返《大叔的爱》Hehe戏份

不过,德斌表示日后都唔介意再拍同性恋题材。

黄德斌今日(21日)为港版《大叔的爱》拍摄海报,他下星期五(30日)58岁生日,获剧组送上蛋糕,“生日愿望系身体健康、万事顺利!”但德斌生日正日要为另一剧集开工,详情暂时未可透露。

Edan扮送香吻感尴尬 黄德斌唔敢睇返《大叔的爱》Hehe戏份

港版《大叔的爱》由黄德斌、Edan及Anson Lo担正。

切蛋糕时Edan(吕爵安)作状要锡德斌,但他笑言经理人花姐(黄慧君)望实,故不敢真咀:“我同德斌剧中都零咀戏,唔敢破戒呀!”Anson Lo(AL、卢瀚霆)即调侃道:“可能德斌都唔想俾佢咀!”Edan马上表示更想锡AL,认真冤气!

Edan扮送香吻感尴尬 黄德斌唔敢睇返《大叔的爱》Hehe戏份

黄德斌下星期五58岁生日,获剧组送上蛋糕。

Edan扮送香吻感尴尬 黄德斌唔敢睇返《大叔的爱》Hehe戏份

剧中被德斌暗恋的Edan作状要献吻。

虽然冇锡到,但寿星就疑似毛管戙,德斌笑认:“系有啲尴尬,虽然期待新剧播出,但又唔敢睇Hehe场面!我唔够胆睇,不过日后都唔介意再拍同性恋题材。”与Edan零咀戏的德斌,只有一场由厨房玩到厕所的亲密戏及“裸露戏”,不过系露脚趾咁话!

Edan扮送香吻感尴尬 黄德斌唔敢睇返《大叔的爱》Hehe戏份

德斌生日正日都要开工。