*

upload_article_image

无辜“被第三者”劲火滚 裕美爆麦贝夷有男友仍跟翟威廉过夜

真心嬲的裕美愈谂愈㷫决定将真相公开。

35岁麦贝夷(Karene)早前接受本报访问时委屈哭诉被“贱男”旧爱食完唱,强调两人有戴避孕套进行安全性行为并非“炮友”关系,矛头直指翟威廉(William)。两人的共同朋友裕美本不欲多事置身事外,点知被女方拉落水“被第三者”,真心嬲的裕美愈谂愈㷫决定将真相公开,强调19年曾介绍男仔俾Karene识,两人拍拖至上年尾才分开,“根本麦贝夷同翟威廉冇拍过拖,男女双方都深知肚明只系‘朋友’关系。”裕美指翟威廉衰咸湿,但成年人你情我愿,同时亦劝麦贝夷“明知对方唔爱自己,就唔好再纠缠落去啦。”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

裕美唔再畏首畏尾,对麦贝夷讲啲唔讲啲令人误会所为,决定企出嚟讲清楚。

麦贝夷“炮友”风波愈爆愈多,仲讲到贱男前度搭上闺密,裕美躺着也中枪,她不满说:“麦贝夷拉埋我落水,引导传媒嚟误会我,佢有责任同我讲返两句,所以我发讯息俾佢,要求佢喺社交网发文澄清,点知佢回应话‘要讲嘅都讲晒喇!’乜呢啲算系朋友嚟咩?佢只系想做佢想做嘅事,唔顾其他人生死,我真系好嬲㗎!呢单嘢我曾经同翟威廉讲过:‘依家佢(麦贝夷)搞埋我喇!’William惊到唔想再讲嘢,相当无奈话:‘佢编织嘅故事好震憾,都叫咗佢唔好咁癫㗎啦!’”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

之前麦贝夷接受本报访问时,哭诉被“贱男”旧爱食完唱,好伤心。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

麦贝夷嘅割席宣言,咁啱发生喺翟威廉36岁生日当天,摆明冲住佢而嚟。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

之前麦贝夷趁住前度生日,喺IG限时动态大爆对方出轨行为嚟赠兴。

19年,麦贝夷有段感情空窗期,因为跟裕美好Friend故常到她家中作客,两人甚至经常瞓埋一齐,当时无所不谈,闺密无误。当年裕美撮合咗麦贝夷同林作好友Edmond Luk拍拖,至半年前才分手:“其实麦贝夷同Edmond拍拖前后,甚至拍拖期间都有上Happy Live唱歌,Happy Live喺夜晚做,咁𠮶晚我就预咗佢唔会上嚟我度瞓。”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

麦贝夷同裕美曾经系无所不谈,瞓喺隔离嘅好姊妹,就连上去翟威廉度过夜都会“单”声,所以裕美知道成件事内情。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

裕美喺社交网曾出post话见麦贝夷多过见妈咪,可见两人几咁close。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

2019年裕美撮合咗麦贝夷同林作好友Edmond Luk拍拖,直至半年前Edmond被飞,Karene仲unfollow埋他。

裕美更开到名提及翟威廉:“我同麦贝夷好close𠮶阵,佢曾经同我讲过,同翟威廉只系‘朋友’,唔会钟意佢,亦冇提过两人拍拖,就算上去Happy Live,都只系交代话‘我又上去佢度做……Happy Live’,所以我系好肯定佢哋唔系拍拖,赔乜都得,否则我唔会介绍男仔畀佢。不过,其后我睇唔过眼,好言相劝佢唔好咁对Edmond,怕佢会玩出火,佢就当我系敌人,怪我好闹佢,嬲咗我。”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

裕美表示有次同麦贝夷上Happy Live,后者坐喺翟威廉隔离嗲声嗲气,但男方若无其事。

裕美坦言同麦贝夷相处压力好大,“只有佢讲,冇人讲,仲成日自行幻想,试过同佢一齐坐uber,司机见佢喺车上喊就请佢食糖,司机只系出于好意,都有递埋畀我食㗎!点知佢谂多咗黑晒面兼发晒癫,以为对方想占佢便宜,恶到不得了,搞到我几唔好意思呀!佢成日觉得全世界嘅男人对佢都有企图,真系要去睇精神科医生。”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

麦贝夷有好身材,裕美指佢成日觉得全世界嘅男人对佢都有企图。

最后,裕美为William讨回公道:“翟威廉有佢嘅生活模式,佢系坦承嘅人,直认单身7年系有性伴侣,唔会阴你,唔会𠱁你做啲乜,做乜都清清楚楚,佢同麦贝夷嘅关系,两人都心知肚明,所以今次嘅事,我同佢都笑咗,一致觉得麦贝夷有需要去睇医生。”问到William系咪衰咸湿呢?裕美大笑说:“边个男人唔咸湿?逢场作兴吓,但佢明买明卖,成年人你情我愿啫。我奉劝麦贝夷,做女人唔系叫男伴戴套进行性行为,就叫做识得保护自己,而系要确立同男方关系,明知对方唔爱自己,就唔好再纠缠落去。”

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

翟威廉唔敢再触动麦贝夷“神经”,呢期收埋自己,低调过活。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

裕美转型做珠宝生意后,月赚60万,变得愈嚟愈有自信。

【头条独家】无辜“被第三者”火滚爆真相 裕美证麦贝夷有男友仍跟翟威廉过夜

有林作力撑,裕美讲嘢都大声啲。