*

upload_article_image

胡慧冲拍新节目晒㶶脚 冬荫妹继续大方骚身材

冇得去旅行都可以睇住节目先。

疫情下冇得出外旅行,观众对旅游节目需求更大,“泰国通”胡慧冲(Roger) 的《冲游》系列第六辑《疫后冲游》成为J2台重点节目。新一辑唔止提供疫情后泰国嘅新资讯,仲会加重料,如加多咗好拍档冬荫妹着泳装,大晒32C上围及39吋长腿片段。胡慧冲笑说:“虽然冇靓仔睇啫,但都有靓女、靓衫、靓景睇呀!”睇咗当去咗,所以观众反应唔错。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

胡慧冲同冬荫妹齐拍嘅《疫后冲游》现已于J2台播出。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

冬荫妹喺布吉岛负责介绍酒店,仲喺池边大晒32C、26、36身材。

《疫后冲游》现安排于J2台,逢星期一、二、四及五晚九时半播出。今次胡慧冲拍足两个月,分别去咗曼谷、曼谷旁边嘅佛统府、巴堤雅、布吉岛取景,介绍一吓疫情下经营嘅特式餐厅、staycation酒店等、仲会探讨吓港人熟悉嘅旅游蒲点翟度翟weekend Market丶唐人街、昔日著名夜市Neon Night Market等最新状况和逆市求存方法。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

今次节目要求好高,就算冬荫妹嘅泳衣都尽量件件新款,要畀大家有新鲜感。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

泰国疫情第二波过后,大家都出外揾食,小贩割价求存吸客,街边打边炉不设时限,任食都系一百多铢(45港币)一位!

为做节目系咁病

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

曼谷新开飞机咖啡店,乘客可以租用机师及空中小姐制服影相。

因为拍摄时正值喺疫情缓和时候,跟现况有啲出入,胡慧冲笑说:“唔紧要啦,睇咗当去咗!”他又透露样靓身材正嘅冬荫妹,今次再玩尽啲,唔止喺酒店畅泳,仲会扮丑样、用广东话跟他互寸,好有火花:“自从拍完比较严肃嘅节目《你还好吗?》后,我患咗‘对白NG症’,呢个症状带埋嚟呢个节目度,尤其同冬荫妹一人一句讲广东话,第一集开头NG咗接近100次。”问到系咪畀冬荫妹喷血身材影响分咗心?他笑住否认:“唔会喇!我喺现场要兼顾咁多嘢,点会𥄫佢身材呀!而且合作咗六辑,冇呢啲谂头。”不过,Roger今次对自己要求多咗,仲拍到晒㶶咗双脚,更因频频出入一冷一热地方搞到病咗3次:“疫情下唔知几时通到关,但最重要观众睇得开心,尤其𠵱家TVB综艺节目由‘掌门人’曾志伟揸fit,佢最钟意娱乐同欢笑,将旅游节目搞得开开心心咪好囉。”

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

最后一集嘅最后一个环节中,胡慧冲及冬荫妹变身成60年代蝙蝠侠及神奇女侠。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

喺猛烈太阳下出外景,Roger拍到大汗淋漓,仲晒㶶双脚,痛足10日。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

胡慧冲为做节目系咁病,三次出入医院。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

自从拍完比较严肃嘅节目《你还好吗?》后,胡慧冲患咗“对白NG症”,尤其同冬荫妹一人一句讲广东话,NG咗接近100次。

【头条独家】《疫后冲游》冬荫妹继续晒身材 胡慧冲烈日下拍摄晒㶶脚

“泰国通”胡慧冲主持嘅《疫后冲游》加重料,冬荫妹将继续晒身材。