*

upload_article_image

《逆天奇案》扮戆直警察不懂浪漫 黄智贤现实冧女有心得

Ben向来爱钖老婆。

黄智贤(Ben)最近在TVB新剧《逆天奇案》中饰演重案组督察“Nic Sir”,虽然再演警察角色,但Ben不觉厌,因每次都有不同及有趣一面,好似今次的“Nic Sir”查案虽醒,但狂追蒋祖曼演的“律政界女神”却好鬼蠢。不过现实中,声称不懂制造浪漫的Ben,冧女确有一手,拍拖时无心之举足以令老婆记到而家。

【头条独家】《逆天奇案》演警察沟女劲蠢 黄智贤现实冧女有一手

Ben形容今次演的“Nic Sir”查案虽醒,但追女仔却好鬼蠢。

【头条独家】《逆天奇案》演警察沟女劲蠢 黄智贤现实冧女有一手

Ben笑指初次合作的蒋祖曼表面好cool,实则是个细路女。

继《杂警奇兵》和《铁探》后再演警察角色,Ben仍未觉厌,“警察元素有好多种,可以有唔同character,同唔同岗位或者案件,好似《杂警奇兵》会地啲,但今次专做大案,可能同观众抽离一啲,但又可以畀到推理同悬疑部份。”

【头条独家】《逆天奇案》演警察沟女劲蠢 黄智贤现实冧女有一手

Ben 剧中有不少狂追蒋祖曼演的“律政界女神”戏份。

【头条独家】《逆天奇案》演警察沟女劲蠢 黄智贤现实冧女有一手

Ben在《逆天奇案》中饰演重案组督察“Nic Sir”。

剧中跟蒋祖曼首次合作兼演情侣,Ben笑指对方与外表不符,“佢几好笑,cool cool地,玩落系个小妹妹咁,佢个角色系律政界嘅女神,表现好cool,我一见到佢,觉得佢好charm,好想追佢,但呢个阿Sir破案就叻,但追女仔就好蠢啦!哈哈!唔知点埋手,佢好又cool咁对我,变咗我要用啲计仔。(有戏院包场追佢?)但作为督察薪金有限,唔系富家子弟,唔可以真系包场,只可以包九宫格附近几个位,呢类情节几有趣几好笑,呢个傻佬做埋啲咁嘅嘢。”

【头条独家】《逆天奇案》演警察沟女劲蠢 黄智贤现实冧女有一手

剧中Ben跟陈展鹏首度合作,两人由最初不和到后来拍档查案。

现实中,Ben冧女就醒得多,当年仍是女朋友的太太Maggie,到现在依然觉得浪漫仲不时挂在口边,“我其实冇特别去谂一条桥,我冇咁有心计去相处,但记得有次打风落大雨定系豪雨𠮶啲,啲街水浸,我唔想佢湿到脚,就孭佢踩住水行过去,点知一孭起佢,佢就系咁笑!唔知系咪觉得我好似傻佬咁,我当时只系想嗱嗱声过咗𠮶个位,原来佢话未畀男人孭过㖞!乜原来好特别嘅咩?我哋相处当中有啲咁样嘅片段,当时我只系想快啲解决个问题,原来佢系觉得好romantic,记咗咁多年。”

【头条独家】《逆天奇案》演警察沟女劲蠢 黄智贤现实冧女有一手

19年,Ben与惠英红合作的《铁探》中,演总警司“程Sir”。

【头条独家】《逆天奇案》演警察沟女劲蠢 黄智贤现实冧女有一手

黄智贤在《逆天奇案》演的警察沟女劲蠢,但现实中他冧女却有一手。