*

upload_article_image

钟嘉欣当年为供楼挨到全身出疹 马浚伟:啲皮全部有泡兼裂开晒

终于苦尽甘来。

网上图片

钟嘉欣向来知悭识俭,入行多年皆靠客户赞助服装,更不时搭交通工具出入,赚的血汗钱悉数投资买“砖头”。她自2004年国际华裔小姐夺冠后加入TVB,一直备受力捧,2006年已买入将军澳6百呎单位,2011年入手新都城千呎单位,至今于香港及加拿大合共有四个物业,估计市值逾3,600万。

网上图片

日前钟嘉欣亮相契哥马浚伟主持的《缘来自咖啡 2》,她表示当为供两层楼承受极大压力,2007年她主演《金石良缘》同时又要拍《溏心风暴》,因压力太大,而且缺乏休息以致免疫力下降,搞到全身出风癞,又甩皮。但是她仍不敢向公司请假,当时由头到脚、腋下、颈,肚脐,只得块面没有红疹,她只敢给好友杨怡看:“我喺厕所拉开件衫畀杨怡睇,佢即时爆喊。”

网上图片

钟嘉欣笑指因为自己又平又挨得,所以剧接剧得到不少演出机会,她续指:“同埋我唔会say no。”马浚伟表示与对方合作多年,其中最深刻就是《金石良缘》,他表示当时钟嘉欣所有皮肤烂晒:“系严重到全部有水泡,佢啲皮系裂开晒,但你仲继续拍,喺我面前甩皮,我叫你休息,但你喊晒讲‘我唔可以冧’,佢真系傻,我真系火都嚟埋,当时导演系财叔,我话我唔舒服,唔拍啦!捉佢出厂唞吓,然后佢先肯去睇医生,我仲帮佢揾埋医生。”

网上图片

其后钟嘉欣亦表示自己不善于表达想,即使成为人母情况亦没有改善:“我怕丑、又怕事,变成好易紧张、冇自信,就算入行16年,有时都犹豫自己得唔得。”她更讲到为何决定闪婚,因为觉得自己已届适婚年龄,自然地跟着直觉去行:“当我做咗太太同妈妈之后,我嘅成长系十级跳,以前自私啲,但婚后你要做男人背后嘅女人,要学点做呢个角色,要学点照顾一对仔女,喺佢哋身上反而睇到好多自己嘅不足。”

观看相关影片按以下画面: