*

upload_article_image

请爸爸妈妈睇骚 Anson Lo后台母子同贺母亲节

仲有一班队友一齐庆祝。

MIRROR成员Anson Lo(卢瀚霆)喺母亲节晚邀请咗父母嚟捧场睇骚,囝囝咁叻开到演唱会,“教母”感动得跟“教主”相拥,两母子肉紧地揽到实一实,在旁嘅MIRROR成员见证住情深拥抱一刻,相当感动。

Anson Lo好孝顺父母,被赞系乖仔。

之后“教父”、“教母”并安排与MIRROR合照,姜B同Ian从后做出鬼马表情赠兴。

Anson Lo同妈咪喺后台拥抱,“教母”再同队友合照。

两母子揽到实一实。

“教主”喺IG出post写上:“教父教母驾到,今年母亲节过得不一样,其实每一次上台都会谂起我由细到大你哋一直教我:‘一系就唔做,一做就尽力做’,希望你哋会为我感到骄傲。”

合照时姜B同Ian好鬼马。

最搞笑Edan(吕爵安)留言“教庭降临”,即被镜粉取笑,“你都系教庭一份子。”还追问他:“你斟咗茶外父外母未㗎?”又再问:“亲家老爷、亲家奶奶去咗边?”唔少镜粉大赞“教主”好乖仔,祝教母母亲节快乐。

同行仲有家人。

卢瀚霆与吕爵安喺剧集《大叔的爱》有HeHe情。