*

upload_article_image

自称“ViuTV洪天明”系咁客串 193闹市拍外景变粉丝见面会

依家知三爷咩料啦!

“三爷”193(郭嘉骏)@ERROR因反击曾志伟收视言论,被网友封为“娱乐圈清泉”,不单IG追踪人数暴增,ERROR主持旧节目及热播《ERROR自肥企画》亦成全城热话,三爷在节目中亲自填词新歌《睡到三点》,派台即成热搜榜第2位。当然三爷冇谂过靠讲段真心话弹起,狂接10个广告,仲因ERROR爆红忙到连原本下月举行的Talk Show要延至年尾。问到《自肥》播完粉丝超失落,三爷再爆金句:“我哋系ViuTV洪天明嚟,所有节目都会客串!”果然昨日(20日)三爷即客串火火主持新节目《生存演技派》,在铜锣湾街头拍摄时,粉丝闻风而至将三爷包围变粉丝见面会,爆红绝对唔系讲笑!

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

在《自肥》中,三爷被时装杂志拒绝合作,先决定自肥做新歌,但这日访问全身都获名牌赞助。

三爷弹起,因早前曾志伟指ViuTV收视得4点,题材偏门,只能与旗下J2台比较,同晚三爷反击:“收视点得𠮶几百部电视机,我哋不嬲都唔介意”,又指“佢哋系畀老嘢睇嘛”,又话J2节目“冇记错系咪40几岁仲话后生仔倾偈𠮶个”,明踩41岁的陆浩明主持《#后生仔倾吓偈》。

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

曾志伟在《开心大综艺》拜神时,指ViuTV收视得4点,题材偏门,只能与旗下J2台比较。

三爷重申当时用“老嘢”不太恰当,但并非指曾志伟,“我纯粹讲收视,完全冇提过志伟哥,可能系啲人联想起,我绝对好尊重任何前辈。𠮶刻都觉得有少少讲错嘢,当然唔系数据上嘅嘢啦!用字上可以用得好啲。”事件连带ERROR也被炒热,他完全预计唔到,“我系直肠直肚嘅人,咁啱讲开大家认同嘅嘢,先咁有共鸣啫!但系好开心,我哋ERROR一直好努力去做好所有嘢,之前节目搏到尽,屎都食过呀大佬,下体成日受伤,曱甴搲到成身烂晒,但《ERROR游2》播系社会运动,好少人睇,依家终于有人睇番我哋落力做嘅嘢,幕后团队都系阿Mike(格仔导演)‘无制限OK编集団’做,大家都好鼓舞。”

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

对于post Tvbubby打格及食烟相,三爷否认搞事,“纯粹觉得好得意,原来我哋个吉祥物(生啤)只手系揸唔到嘢,另外只吉祥物系揸到嘢,好得意好好笑影咗张相啫!”

提到新歌《睡到三点》,三爷自夸好抵用,“节目冇乜budget,炸sound bear炸晒啲budget,哈哈!我加埋都系用五位数,(肥仔solo歌嘅十分一?)一百之一呀!公司畀我做歌系好明智选择,我揾好朋友帮好平咁做到MV同首歌,女主角都搲到好平,自己写埋歌词,我系超抵用,如果畀肥仔嘅价钱嘅话,我出10年歌都得呀!”他仲精心研究用四国语言填词,“香港Hip Hop文化如果Indie𠮶啲要多人听,一定要MK妹钟意嘅情歌,总之目标系要洗人哋脑,仲一定要有其他语言。我写咗两、三个礼拜,每日就算冲凉,甚至疴屎谂到一句又写低。”

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

讲明“自肥”,三爷亲自邀请YouTuber吴冰及樊沛珈(阿Gi)做MV女主角,跟阿Gi仲有牀戏。

事件带挈人气急升后,三爷顺利成就解锁,获时装杂志邀访问,一个月内劲接10个广告,“好开心终于可以做到自己钟意嘅嘢,又keep到ERROR身份。广告多咗好多呢个系真嘅,暂时ERROR唔会合体做节目住,做番我哋自己钟意嘅嘢。(《自肥》完咗观众好失落?)你哋唔好咁黐线啦!我sell咗老板,但系唔知得唔得,本身6月ERROR系有个Talk Show,但而家太忙搞唔掂,或者年尾搞,到时叫公司搞个新节目畀我哋推吓个Show。(你哋红咗观众少咗嘢睇?)唔会嘅,我哋系ViuTV洪天明嚟,所有节目都会客串,就算我哋冇自己节目。”

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

三爷认为《ERROR自肥企画》受热捧,只因“香港人就系钟意睇人仆街,我愿意牺牲嘅,香港人咁大压力,虽然我哋受虐待,但拍节目过程系好开心,咁大家开心观众又开心咪掂囉!”

昨日,三爷同火火现身铜锣湾,原来两人正为火火和虾头主持真人骚《生存演技派》拍摄,火火揾三爷客串帮素人增强自信,“三爷呢啲自信唔知边度嚟,面皮厚过地球,个学员好冇自信,佢学到193少少都帮助好大,所以今日捉三爷嚟。”问到三爷增自信贴士,“当所有人都系垃圾!(火:头先仲有四个字好好,目中无人!)系,目中无人,抬高啲个头就得。”讲到客串,三爷再话:“我系ViuTV洪天明,咩节目都做嘉宾,但系我同火火未实际合作过,一齐做主持之类。(火:佢系ViuTV最红嘅天明,所以先可以目中无人,𠮶啲153高度𠮶啲睇唔到囉!)我系尊重所有前辈嘅!”

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

三爷为火火新节目《生存演技派》做嘉宾,在铜锣湾街头拍摄。

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

三爷出名锡粉丝,来者不拒现场顿变粉丝见面会。

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

三爷被粉丝重重包围,工作人员即拉他入舖头暂避。

【头条独家】狂接10个广告 自称“ViuTV洪天明”系咁客串 直击193闹市拍外景变Fans见面会

火火亦有不少粉丝要合照,当中仲有家佣姐姐。