*

upload_article_image

邓月平靠写歌向心仪对象表白 专心事业唔谂拍拖

要进军乐坛。

邓月平(Larine)沉寂近两年,早前宣布自组工作室并推出单曲《U》,她承认约满旧公司向外闯,只想有更大创作自由度,新歌也由她亲自填词。她又自爆歌曲是写给心仪对象的表白之曲,可惜跟对方现在分隔两地,事业心重的她暂时亦唔敢谂拍拖,专心发展好事业,不想辜负一班支持她的工作团队。

Larine认为当了老板后,成长了不少,学识跟人沟通。

Larine拍新歌《U》MV,特别订制大蛋糕配合拍摄。

Larine跟前经理人公司完约后,决定自组工作室,但在疫情下向外闯,她坦承也觉得好担心,“我希望我嘅担心系值得,我喺呢5年揾到啱自己嘅团队,佢哋咁多人陪我去搏一铺,点解我唔试呢!?其实都系小本投资咗六位数,我记得杨天命师傅讲过‘邓月平你要洗晒你啲钱,你先至会有钱返嚟’,疫情好多朋友都畀友情价我哋去完成呢件事,好多谢大家咁帮手。”

Larine新歌《U》的宣传照,充满怀旧色彩。

令Larine决意向外闯,最主要原来是希望有更多创作自由,“有时老板未必明白你,我唔想交行货,但佢会觉得唔使谂你有个固定形象,你今只系甜美风,以后10只歌都系走甜美风,我𠵱家想讲思念之曲,下一首可以讲好dark嘅嘢,呢个系自由嘅空间。”

Larine在 MV中有8个造型之多,这个是《爱丽斯梦游仙境》。

为了搭这个MV 景,制作团队足足花了两日时间。

爱创作的Larine,今次更为新歌《U》亲自填上国语词,更趁机向心仪对象示爱,“呢只歌系写畀我一个曾经好挂住嘅男仔,但佢𠵱家已经唔喺度,我就觉得呢只歌系一只纪念嘅歌嚟,佢唔系我男朋友,佢系我一个钟意嘅对象(知唔知你冧佢?)佢知,呢只歌系一个纪念,一个隐喻嘅表白。”她又解释对象并非香港人,现已离开香港,两人暂时好难发展,“始终我有嘅工作要继续,如果要我拣做嘢定拍拖,我会选择做嘢先,我如果一拍拖就会focus咗个男朋友,唔想辜负咗咁好嘅团队,后生唔搏几时搏呢!?人生有几多个10年!?我希望今个10年同下个10年会有唔同变化,一路做唔同嘅邓月平畀大家睇。”

Larine早前在自家网上频道邀请好友游学修一齐煮汤丸。

音乐之外Larine没放戏演戏,最近正拍摄电影《恶行之外》。