*

upload_article_image

爱犬失控扯落楼梯急入院 林欣彤牙铰韧带受伤唱唔到歌

佢话好似畀人Knock out。

林欣彤(Mag)昨晚在IG Story上载一张坐轮椅照,相中的她手脚均贴上纱布,但就未有交代事故因由。直至今午,Mag再于社交网贴出多张受伤照,当中看到膝盖有大片瘀伤外,其手掌及下巴也擦损,她撰写千字文向大家报平安。

Mag昨晚在IG Story上载一张手脚贴上纱布的照片。

Mag仆倒一刻下巴落地,结果震亲牙铰伤及韧带。

事缘Mag放狗的时候,爱犬“飞飞”忽然失控狂跑,令她意外仆落两、三级楼梯。由于冲力好大,Mag说:“我晕咗扒咗喺地下几分钟完全郁唔到,声都出唔到⋯当刻明白到打拳被人knock out嘅感觉,我被个地下knock out咗,结果震亲个牙铰伤咗韧带,同埋有啲皮外伤,仲有膝头哥肿肿瘀瘀咁,骨应该就冇事!好彩!”并谓暂时唱唔到歌、咬唔到嘢、又唔系好行到路,乐观的她表示就当作上天为自己安排的假期,Mag坦言:“我都预咗有一日放狗会跌亲,因为成日都危危乎,但冇谂过可以跌成咁,好番之后我要操得大只啲!强壮啲!睇住嚟啦!”

Mag日前被爱犬“飞飞”扯到仆落楼梯,搞到手脚、下巴都伤晒。

Mag的手掌都擦损埋。

提到消息传出后获许多人关心,Mag感激各界的问候,以及称随时ready出嚟帮忙和隔空帮忙的每一位,令她觉得好感动、好温暖,她续道:“我真系好幸福,系痛嘅,系烦嘅。但系往往哩(呢)啲moment就系爱涌出嚟嘅时候了⋯⋯多谢各位嘅爱,love you all!!!”又表示最多谢夜晚陪伴去医院的细佬和爹哋,以及煮粥给她的妈咪。

Mag感激夜晚陪伴她去医院的细佬,还有爹哋和妈咪。

Mag展示膝盖的大片瘀伤。

最后,Mag又搞笑Hasgtag“我只狗完全唔知发生咩事所以毫无悔意”、“好伤心仲好伤身”、“养狗不容易”、“我决定嬲佢几日”,一众圈中好友许廷铿、胡鸿钧、郑欣宜等,纷纷留言祝她早日康复。

Mag指爱犬“飞飞”完全唔知发生咩事,所以毫无悔意,她亦决定嬲对方几日。