*

upload_article_image

《好声好戏》整体表现超晒班 黄庭锋首挑战配音被激赞

评审都话佢有潜质。

TVB节目《好声好戏》昨晚最后一集,终极三强冯盈盈、张振朗、陈自瑶争夺好声好戏杰出声演总冠军,最终由陈自瑶以超水准表现,大热姿态胜出。

【好声好戏】整体超晒班 “上位小生”黄庭锋被激赞表演近乎完美

黄庭锋及刘佩玥被评判团一致拍掌叫好得到7盏绿灯,但两人表现得非常紧张。

刘佩玥嗌到阿妈叫唔好咁嘈

【好声好戏】整体超晒班 “上位小生”黄庭锋被激赞表演近乎完美

黄庭锋为咗掌握到,更神似去声演虾叔嘅窍门,而烦恼咗一阵子。

当晚最后一组旁听生黄庭锋及刘佩玥(Moon)都成亮点,皆因两人合作声演怀旧剧《童心》的“虾叔”和“波仔”(李泳豪饰)发挥到超级表现,被评判团一致拍掌叫好得到7盏绿灯,阿姐语带坚定答:“我觉得好,庭锋我听到你扮老人家把声唔错㖞!佩玥都好,好可爱。”创意官王祖蓝激赞庭锋表演接近完美。王祖蓝好奇问:“你哋个人练咗几耐?点去练?”刘佩玥说:“我嗌到连阿妈都叫我唔好嘈!问我仲乜要扮小朋友喺度嗌?”庭锋话两人各自练完又再约出嚟磨合吓,好让摄啲对白位会摄得靓啲。王祖蓝满意地盛赞两人:“呢啲叫咩,一日唔练自己知,两日唔练老师知,三日唔练观众知,你哋咁样练法经已听得出近乎完美。”配音员陆惠玲稍嫌Moon有小小女仔声;郑丽丽话庭锋压到一把咁嘅声都几犀利;何璐怡也说:“我好意外,整体超晒班咁。”

【好声好戏】整体超晒班 “上位小生”黄庭锋被激赞表演近乎完美

庭锋好勤力咁做晒功课。

未配过音战战兢兢接受挑战

【好声好戏】整体超晒班 “上位小生”黄庭锋被激赞表演近乎完美

两人出晒饮奶力去演绎。

黄庭锋开心到不得了,他接受本报访问时表示好兴奋,未试过收到咁多正面嘅评价,唔少朋友短信问他点样可以扮到“虾叔”?其实最初收到通知时觉得系一件冇可能嘅事,唔知点去演绎呢位有咁多人认识,咁有认可性嘅前辈把声?后来跟配音员翟耀辉学习技巧,最惨每次佢都话唔得,因为只系做到声沙版黄庭锋:“咁我都烦恼咗好耐,惟有喺屋企日练夜练,直至有次开车时突然掌握到一啲啲窍门,咁我入晒记忆不停重复去做,虽然我未试过配音,加上配音好难,但只要落功夫投入去做,可以做得好好。”

【好声好戏】整体超晒班 “上位小生”黄庭锋被激赞表演近乎完美

黄庭锋首次配音被指有潜质,不过他较喜欢做演员。

跟刘佩玥网上发文互相打气

【好声好戏】整体超晒班 “上位小生”黄庭锋被激赞表演近乎完美

Moon七情上面。

庭锋昨晚喺IG出post跟Moon互相打气,他写道:“绝对没有不被重视的人或工作,只是你选择看到与否。这次的表演真正体会到配音员的努力和工作的挑战性,我很享受这次和 @arryuu 的演出,只要你投入去做一件事,总会有人欣赏。”而Moon也有发文多谢庭锋:“多谢你,我嘅好兄弟好拍档!由《救妻同学会》开始识你到今日,你都好正能量,好努力!今次嘅合作好难得,好难忘嘅经验,多谢你!我知道我哋同一班同事朋友都好想尽力做好每一个take,压力同热诚系由心而发的,唔止因为可以学习同表演,而系想表现制作嘅诚意,希望大家都睇得开心,最重要系睇到配音员们的努力同专业!各位,GOOD SHOWp.s. 希望大家下次再见我同TF合作就系《超能使者》同《把关者们》啦!”

【好声好戏】整体超晒班 “上位小生”黄庭锋被激赞表演近乎完美

祖蓝对两人表现相当满意。

【好声好戏】整体超晒班 “上位小生”黄庭锋被激赞表演近乎完美

黄庭锋及刘佩玥以旁听生身份参与《好声好戏》,获“创意官”王祖蓝大赞表演近乎完美。