*

upload_article_image

长期唔识释放情绪 冯盈盈压力爆煲拍《逆天》喊戏紧张到瞓唔到

要好好调整情绪㖞!

做演员投入感情难,识抽离一样唔易,压力有时会大到爆晒煲!冯盈盈最近参加《好声好戏》,为剧集《巴不得妈妈》配音时喊到猪头演绎,不单得唔到原本演该角的汪阿姐欢心,指她用错感情,评判王祖蓝更狠批“我好担心你适唔适合做呢行”、“你嘅压力盖过你嘅实力”。其实每次演戏盈盈都畀自己好大压力,旧年《反黑路甲人》已自爆因压力,情绪失控收工仍狂喊,而她拍热播的《逆天奇案》时,原来都试过对住视帝陈展鹏拍喊戏,压力太大紧张到瞓唔到。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈在《好声好戏》为剧集《巴不得妈妈》配音时,比起汪阿姐原装演喊得更劲。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

祖蓝闹盈盈长期唔识释放情绪,她拍《逆天》更压力爆煲,搞到拍喊戏前瞓唔到。

啱啱播完的《好声好戏》顺利由表现稳定的陈自瑶夺冠,而出名懒音劲的冯盈盈虽然年前揾前报幕员罗山教正音,懒音情况改善咗好多,但依然落败,全因畀自己太大压力,完全控唔到情绪,汪阿姐都评她,“你感情系好丰富,但好似有少少用错咗。”祖蓝除了狠批她“我好担心你适唔适合做呢行”、“你嘅压力盖过你嘅实力”更爆她为了这场戏配音,竟然由早上开始喊到录影,其间搞到生人勿近,更指“你嘅压力大到我都有压力”,仲话令他怀疑自己应唔该搞呢个节目。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

祖蓝更狠批盈盈,“我好担心你适唔适合做呢行”。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

配完音盈盈仍喊到收唔到声,祖蓝指她唔识收起情绪“压力盖过实力”。

其实盈盈演戏时唔识释放压力都唔系第一次,旧年8月播出《反黑路人甲》,盈盈接受《头条》访问时,就自爆首度担正女主角畀自己超大压力,搞到拍喜剧竟然戏里戏外都爆喊,“大家开心睇喜剧嘅时候,其实我系喺镜头前不停喊,返到屋企背人就流泪啦!喺现场对自己有更大期望又忍唔住喊,唔知系咪我对呢套喜剧太投入,系拍剧以嚟喊得最多嘅一次。”

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈拍《反黑路人甲》时,已出现控制唔到情绪情况。

讲到最近的新剧《逆天奇案》,盈盈一样畀压力影响住,首度去泰国北碧府拍外景,面对陈展鹏演喊戏已搞到她超紧张,“最难忘嘅一场戏,喺泰国嘅外景,讲我哋喺条火车桥上面,喺日出初起嘅时份,我同展鹏一场好重要嘅情感戏,我又喊佢又眼湿湿,总之好似摊牌咁嘅嘢,拍嘅时候要就埋个日出喺后面,晨早4点要到现场,你估我要几点化妆!?冇瞓咁滞,前晚又好紧张讲到场戏咁重要!”

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

在泰国北碧府火车桥拍这场喊戏,搞到盈盈紧张到瞓唔到。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

为了要拍到日出背景,剧组要晨早到现场开工。

盈盈坦言日出时间太短,要一take过完成唔容易,“工作人员好早去set晒嘢,又特登截住条桥,𠮶条桥系有火车经过,喺外地拍摄时间好紧迫,所有嘢都系钱嚟,咁多人力物力好庞大,𠮶吓表演要好准好到位。成唔成功?系成功嘅,出嚟个话面仲好靓,有晒景同火车,喊得出真泪水嚟唔系眼药水嚟。”盈盈又爆另一个紧张位是怕阻住人收工,“𠮶场戏系泰国外景最后一日,𠮶日展鹏拍完就走得,Phoebe(太太单文柔)都过咗嚟探班,展鹏book晒之后同老婆去曼谷开开心心玩,如果我喊唔出,就耽误咗时间,阻住人哋去旅行玩都有啲压力嘅。”

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈笑指怕阻住陈展鹏收工,因单文柔当日都有到场探老公班。

懒音改善咗盈盈,更自爆终于够胆揾谭嘉仪学唱歌,“我喺选美之后都有学过唱歌,但系好快放弃咗,因咬字未搞掂,唱容祖儿《世上只有》第一句就系‘望着你讲’,4个字有3个字好难,唱咗一个月都仲系呢四个字,好灰心放弃咗,依家就唔使咁多心机去搞掂字,可以学吓啲keep到啲音准同拍子。”不过她预告会挑战郑欣宜首《@princejoyce》,“中间都难有啲位好高音㗎!希望大家可以期待吓我个成果唱成点啦,最难系个beat,希望出到嚟唔会变笑片。”不过盈盈学正音同唱歌之余,似乎更加需要学好演技,学祖蓝话斋情绪能收能放先至算系好演员。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈年前揾前报幕员罗山教正音,懒音情况改善咗好多。

除了这场戏难,今次《逆天》盈盈为了来自委内瑞拉的骇客“Ana”角色,要连学多种语言,“呢套剧简直系考我语言天才,话我喺外国返嚟同外国人又要讲英文,要讲到好似外国返嚟ABC咁,仲要学西班牙文又要唱埋歌,讲我揾咗位尼泊尔朋友,去到拍摄现场又要加几句尼泊尔文,即场跟住学要好流利好地道,仲有学泰文,因为去泰国拍外景,我同𠮶度啲人沟通系讲泰文,仲要识跳埋佢哋啲民族舞,我练咗几堂先至飞过去,所以我为咗呢套戏学咗好多新嘅语言同新技能,好似去咗个训练营系度挑战自我。”

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈笑指今次《逆天奇案》角色“Ana”,聪明机智又大胆同自己几相似。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

剧集《逆天奇案》中,盈盈饰演来自委内瑞拉的骇客“Ana”,打扮性感又大胆。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

拍完《逆天》外景,盈盈都有留在泰国度假。

【头条独家】祖蓝闹得啱    长期唔识释放情绪 冯盈盈压力爆煲拍《逆天》喊戏瞓唔到

盈盈为《逆天》学了多种语言及技能,包括:西班牙文、尼泊尔文及泰文,还要学跳泰国民族舞。