*

upload_article_image

最后个唱终极性感现身 莫文蔚:狂野“莫猫宝贝”会隆重登场

期待~

莫文蔚(Karen)将于本月11日将再登红馆举行人生最后一次个唱的Karen将展现舞台上最靓一面,她超兴奋爆响口:“到时狂野嘅‘莫猫宝贝’会隆重登场,我做嘅嘢离不开性感㗎啦!”睇嚟莫文蔚最后个唱有啲料到㖞!

【头条独家】最后实体个唱终极性感登场 莫文蔚唔离地赞好MIRROR有前途

莫文蔚于本月11至13日在港举行最后一次大型实体演唱会,届时会终极性感登场。

Karen相隔16年再踏红馆舞台,今次演出意义重大,除咗系《绝色》巡演尾站,仲系人生最后一次大型实体个唱。问到可会依依不舍?她语带坚定说:“既然决定咗就唔会后悔,早喺2018年开始巡演时,已度好呢个系我最后一次大型tour,所以改名《绝色》,系终极一次,可能近十年唔系出碟就走埠,系时候要揾新意。老公Johannes听到我呢个决定都话好!因为佢最享受二人世界。但每次我走tour时,我哋要摄时间揾机会见面,始终结咗婚,唔可以成日将工作排喺第一位,咁样对佢唔公平,喺时间要调整一吓两公婆嘅节奏。”

【头条独家】最后实体个唱终极性感登场 莫文蔚唔离地赞好MIRROR有前途

Karen喺《绝色》巡演中穿上紧身肉色连身舞衣,多0.1脂肪都驾驭唔到。

【头条独家】最后实体个唱终极性感登场 莫文蔚唔离地赞好MIRROR有前途

猫女系莫文蔚最爱嘅造型,除咗好睇外,觉得好多人都可以代入猫嘅世界中。

【头条独家】最后实体个唱终极性感登场 莫文蔚唔离地赞好MIRROR有前途

莫文蔚同德国籍老公Johannes结婚十年,老公最想过二人世界,冇计划生儿育女。

【头条独家】最后实体个唱终极性感登场 莫文蔚唔离地赞好MIRROR有前途

陪伴家人 喺疫情下,莫文蔚去咗意大利陪老公小住几个月后,再返港陪伴妈咪及家人过农历新年。

Karen强调她不是以后不唱歌,只是人生去了另一阶段:“我依然会继续做我最热爱嘅唱歌同表演,只系开拓一啲新项目,如迟早会做嘅音乐剧,另外因为我钟意猫,最爱猫女造型,去年经已创作咗虚拟人物‘莫猫宝贝’,由佢嚟发声,表达我想表达嘅环保、爱护动物等讯息。去年‘莫猫宝贝’推出第一集漫画,好似超级英雄片咁有埋主题曲,做埋原声大碟,甚至设计埋‘莫猫宝贝’身边嘅朋友、助手等,由佢哋去拯救世界,完全可以天马行空,真系好好玩,或者到时同黎明嘅‘明福侠’crossover,唔排除将来做埋音乐剧,谂起都觉得正呀!呢个猫女都会喺今次演唱会性感登场。”

【头条独家】最后实体个唱终极性感登场 莫文蔚唔离地赞好MIRROR有前途

莫文蔚创作嘅虚拟人物“莫猫宝贝”去年推出漫画,陆续会有第二辑,仲会有埋主题曲及原声大碟。

【头条独家】最后实体个唱终极性感登场 莫文蔚唔离地赞好MIRROR有前途

巡演中会有唔同性感程度嘅“莫猫宝贝”现身,终极香港站,性感程度一定会更劲。(相片“莫猫宝贝”提供)

【头条独家】最后实体个唱终极性感登场 莫文蔚唔离地赞好MIRROR有前途

莫文蔚话创作嘅虚拟人物可以天马行空好好玩,仲忽发奇想同黎明嘅“明福侠”crossover。

【头条独家】最后实体个唱终极性感登场 莫文蔚唔离地赞好MIRROR有前途

莫文蔚好钟意小动物,尤其系猫,最高峯屋企收养咗10几只街猫,甚至做埋寄养家庭,不过近年较少留港,随猫儿离世再冇养猫。

入行25年嘅Karen主张顺其自然,就算《呼吸有害》于年头横扫四大颁奖礼亦绝不滥做,她认为最重要装备好自己,咁就可以随时应战,她亦给予乐坛新人贴士:“最紧要真心热爱音乐、表演同创作,其他唔使理咁多,要知道拍拖还拍拖,音乐还音乐,付出亦较其他行业多,如果唔系一条心去做挨唔到落去。”

【头条独家】最后实体个唱终极性感登场 莫文蔚唔离地赞好MIRROR有前途

广东歌《呼吸有害》于年头横扫四大颁奖礼,Karen表示意外惊喜,感恩个天对她不薄。

【头条独家】最后实体个唱终极性感登场 莫文蔚唔离地赞好MIRROR有前途

1996年,莫文蔚推出首张专辑《全身莫文蔚》,封面玩全裸仲剃光头,相当大胆前卫。

紧贴乐坛嘅莫文蔚大赞师妹黄妍多才多艺,有文艺气息;Serrini(梁嘉茵)声线够特别系可造之材;MIRROR呢堆后生仔会有一番作为:“佢哋有吸引力,尤其呢个年纪,(系咪钟意佢哋靓仔?)系人都钟意靓仔㗎啦。”MIRROR嘅魔力,竟然搞到刚51岁生日嘅Karen回春发出如少女般嘅笑声!

【头条独家】最后实体个唱终极性感登场 莫文蔚唔离地赞好MIRROR有前途

师妹黄妍曾为Karen做和音,对方唔止识作曲,仲会自弹自唱,多才多艺。

【头条独家】最后实体个唱终极性感登场 莫文蔚唔离地赞好MIRROR有前途

Karen喺《绝色》巡演中穿上紧身肉色连身舞衣,多0.1脂肪都驾驭唔到。