*

upload_article_image

“AO黎明”冇官一身轻 60岁杨立门做全职歌手继续追梦

Raymond虽然人到中年,但一啲都唔Out,最钟意欣宜、林家谦同MIRROR!

“AO黎明”杨立门(前任发展局常任秘书长)(Raymond)于6年前提前退休,之后做咗几年香港中华厂商联合会行政总裁,月多前请辞,冇官一身轻的他,60岁继续追梦!目前正赶紧为6月15日喺文化中心举行嘅《杨立门的音乐回忆音乐会》彩排,虽然人到中年但仍紧贴香港乐坛,一啲都唔Out:“我最钟意欣宜、林家谦,MIRROR都好正呀!”

【头条独家】“AO黎明”60岁继续追梦 杨立门做全职歌手欣赏MIRROR

“AO黎明”杨立门做全职歌手继续追梦,而他好欣赏男团MIRROR。

【头条独家】“AO黎明”60岁继续追梦 杨立门做全职歌手欣赏MIRROR

杨立门月前辞去香港中华厂商联合会行政总裁一职。

因为疫情关系,杨立门演唱会由去年押后到至今:“原先以为搞唔掂,因为限聚令只容许一半入座率,条数计落唔化算,好彩疫情缓和放宽到七成半观众,咁啱6月份文化中心有个期就嗱嗱声擸住。”

【头条独家】“AO黎明”60岁继续追梦 杨立门做全职歌手欣赏MIRROR

杨立门于本月15日在文化中心举行《杨立门的音乐回忆音乐会》,反应比预期热烈得多。

【头条独家】“AO黎明”60岁继续追梦 杨立门做全职歌手欣赏MIRROR

杨立门对上一次开Show是2019年初,所以本月文化中心场馆有期即抢咗先。

Raymond唔担心疫情,“因为台前幕后会做晒核酸检测,除咗我之外,幕后团队同埋观众全部会戴住口罩,正如戏院开返,都冇出现过戏院群组啦!”最令他惊喜最贵嘅飞一早卖晒,可能观众饿咗演唱会好耐。他透露个唱邀得赵增熹客串伴奏几首歌,仲有何婉盈及小龙女(龙婷)出任嘉宾。

【头条独家】“AO黎明”60岁继续追梦 杨立门做全职歌手欣赏MIRROR

杨立门曾参加1982年举行的第一届新秀歌唱大赛,但参赛期间获政府取录,只好退出比赛。

【头条独家】“AO黎明”60岁继续追梦 杨立门做全职歌手欣赏MIRROR

冇官职一身轻,杨立门笑得好开怀,仲话𠵱家可以自由自在做全职歌手。

另外,Raymond创作嘅两首新歌《哀乐之年》及《she is my lady》会喺演唱会中首唱:“《哀乐之年》系带点感慨,谂返以前我搏生搏死到底为乜?下半生我要同最爱安安静静咁渡过,依家算系最舒服状态。我喺官场都效力咗几十年,老人牌都拎埋,乜都够啦,人系要有理想嘅,依家可以全职做歌手去追梦,好好享受人生。”

【头条独家】“AO黎明”60岁继续追梦 杨立门做全职歌手欣赏MIRROR

同Raymond好合拍嘅何婉盈及小龙女任表演嘉宾。

对于演唱会Rundown,Raymond说:“我会唱林子祥嘅《最爱是谁》、经典老歌《Longer》等。”问到好留意香港乐坛的他会否唱姜涛的《蒙着嘴说爱你》?Raymond笑说:“唔识唱佢嘅歌,因为未必啱我唱,我当然识佢,仲好欣赏MIRROR,因为Boy band边唱边跳好养眼。”另外,他也喜欢创作歌手林家谦及好唱得嘅郑欣宜。

【头条独家】“AO黎明”60岁继续追梦 杨立门做全职歌手欣赏MIRROR

杨立门好欣赏MIRROR。