*

upload_article_image

入行3年未适应圈中生活 曾乐彤狂搲头甩发惊情绪出问题

曾乐彤最近推出EP《Inner Child》辑录这两年制作歌曲,她认为第二张唱片以成长做主题好适合。不过,她坦言仲未适应圈中生活,感觉不踏实好迷失,又给自己不少压力,更自爆继不自觉搲耳仔搞到损晒后,现在狂搲头严重到搲损头皮劲甩头发,她也担心是情绪问题,但未打算睇医生,只会揾方法减压。

【头条独家】未适应圈中生活感迷失 曾乐彤受压狂搲头甩发

本身性格乐天的曾乐彤,入行后却发现有很大无力感。

【头条独家】未适应圈中生活感迷失 曾乐彤受压狂搲头甩发

曾乐彤讲到甩头发情况,自己都有点担心。

继18年推出首张EP《#meme》后,曾乐彤刚推出《Inner Child》,她认为相当适合,“第1年出碟系新人嘅作品集咁,依家入行3年几,好似将啲歌又可以出一只碟,咁啱睇番个歌list又真系几啱成长为课题去做一件事。”她承认由学校跳入社会,还未适应这个成人世界,“唔会知自己几时系尽咗力,永远比你勤力嘅人大有人在,当我入咗社会觉得𠮶个无力感系超大嘅,运气之余仲有大环境,好多嘢都唔可以估计到嘅时候,呢啲就要靠你执生能力,但呢啲系你读书都读唔到。”

【头条独家】未适应圈中生活感迷失 曾乐彤受压狂搲头甩发

曾乐彤在新EP《Inner Child》收录新歌《躲不开的一课》。

【头条独家】未适应圈中生活感迷失 曾乐彤受压狂搲头甩发

曾乐彤在《2020年度劲歌金曲颁奖典礼》也有得奖。

有伤口未敢染发

正因为这份无力感,入行3年多的曾乐彤未敢有太多目标,因自觉已给了自己太多无形压力,更出现狂搲头甩头发情况,“真系甩头发,经理人唔畀我搲头发,因为本身搲耳仔先,搲到耳窝个位长期发炎,发型师唔畀我搲,我依家完全冇事,因为我转咗搲头。我又唔系湿疹,纯粹系一个习惯,系会搲到流晒血。我㩒电话经常性系咁,半夜喺厕所搲咗半个钟九个字,搲到直情有声,自己都觉得好过份。(鬼剃头?)touch wood我未去到咁,我唔搲就唔会甩(头发),我好钟意搲到有头皮甩,所以都唔可以染头发,有伤口惊会入咗血。我都喺度谂自己有咩压力!?”

【头条独家】未适应圈中生活感迷失 曾乐彤受压狂搲头甩发

入行时想当演员的曾乐彤,有份演ViuTV剧《熟女强人》好开心。

【头条独家】未适应圈中生活感迷失 曾乐彤受压狂搲头甩发

曾乐彤今年初推出翻唱的《不一样的我》,亦有收录在新碟。

【头条独家】未适应圈中生活感迷失 曾乐彤受压狂搲头甩发

曾乐彤谓只要束起头发,就有助阻止搲头,但在家好难忍手。

曾乐彤又言,“我系惊唱歌,惊我pick up得唔够快,好多嘢都冇乜信心,知道太紧张会坏事,以为说服到自己由佢啦!但其实我冇由佢囉!但可能(搲头)只系坏习惯,或者改番搲番耳仔,哈哈!(去做心理咨询?)我觉得好贵呀!自己对住块镜都识同自己倾偈,我觉得近啲开心啲人就得。”