*

upload_article_image

孖ERROR卢觅雪齐拍广告 古天乐又唱又跳劲玩得

古天乐(古仔)上月中到九展欣赏MIRROR尾场演唱会,骚后ERROR成员193更成功向古仔“集邮”随后在个人社交网上载古仔搭着他肩膊影的合照,并留言:“知我咩料啦。”即引来不少网民热议。估唔到话咁快193就有机会同古仔合作,趁住今日端午节假期,古仔、ERROR四子、以及卢觅雪(雪雪)分别在社交平台上载了合作拍摄广告片段。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

193扮巨星出场话Agent L.系佢“实Q”,仲讲埋招牌对白:“知我咩料啦!”

【小心笑死】同ERROR卢觅雪Agent L.齐拍广告   古天乐疯狂跳舞劲玩得

肥仔望住镜头话:“咁黑都怕热嘅!?”明窒古仔即畀对方拍面。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

雪雪出场问,“系咪热呀?边个要雪雪?”大家齐指住古仔。

片段甫开始见肥仔瞓在地下大叫“好热好热”,然后见保锜敷冰、Agent L.(《ERROR自肥企画》导演曹梓冲)继续以黑衫黑裤黑超扮晒“实Q”造型现身,193施施然揸住风扇出现话:“冇错!佢就系我‘实Q’,feel到啦!知我咩料啦!”扮晒巨星出场。画面一转就见到古仔坐在雪柜隔篱吹住风扇问193,“咁你又知唔知我咩料呀?肥Doi,去开冷气。”肥仔即望住镜头话:“咁黑都怕热嘅!?”明窒古仔,古仔即用手拍打肥仔块面,之后雪雪出场问众人,“系咪热呀?边个要雪雪?”ERROR及AgentL.一齐指住古仔。雪雪兴奋走向古仔身边,古仔一边笑一边无奈讲:“真系正到不得了!”众人即起哄叫古仔热就除衫,搞到古仔反问:“咩广告嚟㗎,成日叫人除衫。”

【小心笑死】同ERROR卢觅雪Agent L.齐拍广告   古天乐疯狂跳舞劲玩得

众人起哄叫古仔热就除衫,古仔反问:“咩广告嚟㗎,成日叫人除衫。”

【小心笑死】同ERROR卢觅雪Agent L.齐拍广告   古天乐疯狂跳舞劲玩得

之后古仔真系有除衫,不过冇嘢睇!

另一短片中,他们全数换上夏威夷装,又唱又跳,古仔相当玩得,除了同卢觅雪攞住砂槌对跳外,自己又举晒手扭晒腰咁跳,而193更扮古仔名曲《今期流行》中大跳的拜神舞动作,即被古仔一脚踢开,而片中所见,古仔似乎特别钟意撩肥仔玩,亲自从后捉住肥仔外,见193捉住肥仔时,古仔又拎住沙槌打肥仔个大肚腩,相当搞笑。最后跳完一轮,古仔叫Cut拉队收工,肥仔大叫:“我请食沙律。”193在IG再提古仔写道:“而家知Koo Tin Lok咩料喇,连我实Q都抢埋。Alfred Cho(Agent L.)你唔实Q我,会唔会好冇安全感?”阿Dee则在IG留言:“作为一个演员,无时无刻都要准备好,古生今次可能系嚟casting㗎!上大银幕指日可待。”连Agent L.也在IG出post:“第一次见到古生真人Not Secured!”

【小心笑死】同ERROR卢觅雪Agent L.齐拍广告   古天乐疯狂跳舞劲玩得

古仔跟ERROR夏威夷装疯狂跳舞。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

ERROR负责唱埋广告主题曲。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

古仔扭晒蛇腰跳舞劲搞笑。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

古仔好风骚跟雪雪攞住砂槌对跳。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

ERROR扮埋女人大跳草裙舞。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

193扮古仔名曲《今期流行》中大跳的拜神舞动作,即被古仔一脚踢开。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

古仔钟意撩肥仔玩,见193捉住肥仔时,就拎住沙槌大打肥仔个大肚腩。

【小心笑死】同ERROR卢觅雪Agent L.齐拍广告   古天乐疯狂跳舞劲玩得

古仔首度跟ERROR合作,大家齐齐揾真银拍广告。