*

upload_article_image

出道整年冇收入 细猫硬住头皮上:希望All In闯乐坛

2018年参加ViuTV《全民造星》并打入十强的细猫(应智越),去年在韩国庆熙大学后现代音乐系毕业后,回港自组工作室正式出道。一年多时间已经推出5首歌,当中亦有份参与创作,不过细猫依然觉得作品未够多,希望可以All In一切闯乐坛!   

【头条独家】出道一年冇钱赚阿妈救济   细猫揾定工帮补使费

细猫无论唱歌、跳舞定作曲都有一定能力。

细猫目前专注擅长嘅跳唱,“上年比较似唱作人,今年想有返固定风格,最好每3、4个月就有新作品,等大家都记得细猫嘅跳唱快歌!”

【头条独家】出道一年冇钱赚阿妈救济   细猫揾定工帮补使费

细猫去年毕业于庆熙大学后现代音乐系。

疫情下出道影响比想像中大,细猫亦要屋企人帮手维持生活,“以前我喺内地做练习生有食宿资助,读书时期亦唔需要用到屋企人嘅钱。返到香港出道,疫情一波接一波,安排好嘅工作完全Cut晒,开始要靠积蓄同家人帮手。冇谂过影响系咁大,只可以硬住头皮上。”细猫又坦言出道后冇赚钱机会:“呢一年完全冇收入,就算有少少,都拎去做歌或者投资喺公司。上年过咗跳舞群组之后情况好咗,但我怕疫情又爆,都想揾定工帮补使费。”

【头条独家】出道一年冇钱赚阿妈救济   细猫揾定工帮补使费

出道第二年,细猫期望行跳唱歌手路线。

主修音乐的他,最想可找到相关工作,不过前提要隐藏歌手身份。细猫入行前曾有大量打工经验,例如便利店店员同帮手修理水电煤,连照顾特殊儿童都试过,“最理想系揾到有关音乐嘅工,不过其他兼职,写字楼工作𠮶啲我都上到手。”

【头条独家】出道一年冇钱赚阿妈救济   细猫揾定工帮补使费

细猫今年有份主演微电影《伪人》。

作为《造星》十强,最后却因为合约问题未能加入MIRROR,眼见兄弟相继走红,细猫表示冇得后悔:“做每件事都会影响往后嘅路,如果冇同内地公司签约,我可能冇得玩《偶像练习生》,甚至《造星》𠻹!而家可以做自己想做嘅音乐,好满足,回想起都好珍惜呢个机会。”他又指MIRROR成员中跟Jeremy(李骏杰)最熟:“大家比赛𠮶阵都系Team A,性格同钟意嘅音乐风格又相似,好想佢快啲有自己成绩。”近日Jeremy自资出Solo歌《梦言》,就是与细猫共同作曲。

【头条独家】出道一年冇钱赚阿妈救济   细猫揾定工帮补使费

细猫与Jeremy好老友,更为对方Solo曲出心出力。

另外,ViuTV出身的细猫开设工作室后都有亮相TVB,问到怕唔怕俾人话食两家茶礼?细猫直言珍惜所有曝光机会:“当然愈多机会愈好,但其实好难取舍。我冇同电视台签约,而你永远唔会知机会系点嚟,花姐(ViuTV监制兼MIRROR经理人)都系《劲歌金曲》PA出身啦!ViuTV搞咗三届《造星》,好多囝囝囡囡,感恩佢哋都仲有揾我,期待有更多合作。我只系Small Potato,唔想畀人感觉大牌,所有工作机会都欢迎,好珍惜㗎!”

【头条独家】出道一年冇钱赚阿妈救济   细猫揾定工帮补使费

细猫是《造星》十强,最后因为合约问题未能加入MIRROR。

【头条独家】出道一年冇钱赚阿妈救济   细猫揾定工帮补使费

现时自由身的细猫都有亮相TVB节目。

【头条独家】出道一年冇钱赚阿妈救济   细猫揾定工帮补使费

细猫以花姐为例子,直言“永远唔会知机会系点嚟”。

【头条独家】出道一年冇钱赚阿妈救济   细猫揾定工帮补使费

2017年,细猫曾参加内地选秀节目《偶像练习生》。

【头条独家】出道一年冇钱赚阿妈救济   细猫揾定工帮补使费

细猫自言最想把握每个机会All In,咩都试吓。