*

upload_article_image

囝囝偷买游戏机母退款不成报警 警化解:折现消费卡违法

不可理喻。

资料图片

澳门一名操非流利广东话的妇人昨日到一间电子游戏产品店要求退款,称其儿子擅自使用政府派发的消费卡到店内分期付款买游戏机,指儿子未满18岁要求退款,店家拒绝退款后,妇人之后报警,警员到场后,表明折现消费卡是违法才摆平纠纷。

Facebook专页“Metro 大都会”发文,指昨日早上一名乡音妇人刚开门就手持单据到场,称“依张单系我个仔无问我批唔批准就攞佢自己张消费卡每日嚟分期买游戏机,如果我知道呢一定唔畀佢买嘅,咁我个仔又未够十八岁,你又系我唔批准嘅情况下卖机畀佢,咁我依家想嚟退返钱。”

澳门政府向市民提供消费卡。网上图片

店家拒绝后,妇人又坚持“咩无得退呀?我买衬嘢都有得退,点解无得退呀?我个仔无问过我畀唔畀佢买,我依家唔畀所以你要退钱。”店家解释“你同你个仔之间点沟通其实唔关我事㗎㖞。”

妇人不忿于是报警,警员接报到场后,妇人表示“我个仔系度用消费卡买游戏机,我又唔想佢打机,惊佢挂住打机唔读书,所以嚟呢度想退钱,因为呢间铺明知我个仔唔够十八岁,又卖机畀佢”警员随即打断问是否儿子自己用自己的消费卡,警员表明“咁呢啲系正常商业交易,无问题㗎㖞,你做乜报警呀?”

妇人仍然坚持因儿子未成年,警员解释“你个仔未够十八岁都好,张消费卡系佢嘅,就算佢真系瞒住咗家长去买嘢,最后个责任都系你哋家长承担,唔会系商铺,加上用消费卡系唔可以直接退钱嘅,你最多只能同商家协商换货...”。

示意图片

店家重申拒绝换货或退款,妇人指责“哗乜你咁㗎,我去边度买嘢都可以退钱,你倾都唔倾就话唔退...”店家反驳,“我做乜要同你倾呀?你一入嚟讲三句就话要报警啦,倾咩呀?同埋单上面呢部游戏机系无写明唔卖得畀未满十八岁人士,总之有客入嚟话要买呢部机,我有货就卖,我哋商铺无义务亦都无权利去了解每一个客人有无获得佢哋嘅家长批准先嚟消费,我卖嘅系娱乐产品,唔系违禁品,有乜好倾呀?同埋你知唔知系铺头用完消费卡叫商铺退钱系属于套现,系犯法㗎?”

妇人听完后居然说,“咁呀你一早同我倾肯退钱,我跌小小畀你做手续费你畀返现金我咪唔洗报警囉!”店家立即指出妇人教唆犯法“阿Sir 你听到㗎,佢叫我犯法呀!我讲过唔退㗎!”

警员也目瞪口呆,“阿太太,成个警察栋咗系度你都可以咁?你知唔知你咁样要求套现已经可以构成犯法㗎啦?”,“其实消费卡入面嘅钱其实系政府嘅,严格嚟讲啲钱系政府畀商铺,无用过你哋市民嘅钱,你要将入面嘅钱变现金呢,其实系犯法嘅,你要求换钱系犯法,商铺肯换钱畀你都系犯法,你明唔明?”

妇人坚持己见,“我明我明,但我依家就系想佢退钱...我个仔未够十八岁...”,连警员也不耐烦说:“人哋依家唔系卖烟畀你个仔呀,唔关十唔十八岁事呀,同埋退钱系犯法呀,总之依家商铺唔肯换货,你就畀埋个尾数就可以攞走部机,你唔畀嘅就无得攞,亦都唔可以退钱畀你!”

妇人离开前仍辩驳“咁算啦,我今日赶时间,我第日揾埋我老公落嚟”。最终警员登记妇人身份证,“你揾边个落嚟都系一样㗎啦,麻烦证件。”

帖文转载自“消费卡篇の我个仔未够十八岁你做乜卖机畀佢”

妇人不满儿子擅自用他的消费卡买游戏机要求退款不果,被警员劝退。unsplash图片