*

upload_article_image

顾家女婿获外母狂赞 郑嘉颖约友食快Tea急返归

大赞女婿以家庭为重,仲话“重到要佢减啲”!

郑嘉颖与较他年轻22岁的陈凯琳(Grace)结婚3年,育有两子Rafael和Yannick,家庭生活好美满。不过婚前,有传Grace妈反对二人拍拖,早前她接受访问时直认觉得嘉颖年纪大又花弗,担心初恋爱女俾人玩,幸跟对方认识后完全改观,大赞女婿以家庭为重,仲话“重到要佢减啲”!

【头条独家】外母狂赞 顾家女婿街头吹水唞吓气 郑嘉颖约友食快Tea急返归

日前下午3时许,嘉颖约埋3位兄弟去铜锣湾食Tea,家中有小朋友嘅佢开头都戴罩吹水。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

好耐冇见朋友的嘉颖一坐低Non-stop咁讲,仲兴奋到伸出“擒拿手”,好生动!

嘉颖的确心系屋企,早前就见到佢单拖约友落铜锣湾食Tea,全枱清一色男人,戴黑超的嘉颖开头都好似开笼雀咁,郁身郁势讲唔停,但倾了约一个钟便知时候要返屋企帮手凑仔,叹埋支烟就急急返归。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

其间,嘉颖不时低头覆Message,估计系自动波向老婆交代行踪。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

清晒枱面啲嘢食后,嘉颖去附近便利店增值八达通。

获Grace妈认证“101 分女婿”的51岁郑嘉颖,近年常被拍得与太太陈凯琳和宝贝仔出街享天伦。鲜有独自外出的嘉颖,日前下午3时许就相约漫画家祈文杰及两名男友人,到加路连山道某茶记一边食Tea一边Men s Talk。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

嘉颖一个人行去小食店买了大包炸鸡髀,再扚返茶记同友人一齐享用。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

嘉颖徒手拎住只鸡髀大啖大啖食,好滋味咁㖞!

难得撇甩妻儿出来唞唞气,起初嘉颖都倾得好投入,其间仲笑晒口、伸出“擒拿手”,好大动作。见枱面啲嘢食清晒依然口痕痕,嘉颖就独自步行到附近的便利店增值八达通,然后再往小食店Order了几只炸鸡髀。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

讲到后半段,嘉颖开始唔多出声周围望,其后索性侧身坐煲电子烟,一副心不在焉咁款。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

Grace妈陈刘惠嫺(右)公开大赞嘉颖非常顾家,是个 101 分的女婿。

倾得耐囉囉挛

在等攞嘢食期间,其中一名兄弟前来找他吹水;直至领取外卖后,两人才一同回到餐厅坐低,并急不及待拆开纸包,取出热辣辣的炸鸡髀慢慢嗒。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

嘉颖被外母爆常叫Grace唔好悭钱,又会神神秘秘买个靓手袋送俾老婆。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

自从有家室后,嘉颖修心养性变Family man,闲时都陪太太和宝贝仔多。

终于食饱,一班老友继续发表伟论,但归心似箭的嘉颖开始心不在焉,参与度极低。搭完两句嘴,又笃吓杯冻柠茶再四围望;其后愈坐愈冇心机听的嘉颖,索性打侧身坐煲电子烟,见他不时凝望远处,未知系咪谂紧几时先返得屋企呢?最终大约逗留了一小时,嘉颖跟一名男友人走到圣保禄医院的停车场攞车离开。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

逗留约1小时,嘉颖便与男友人回圣保禄医院停车场取车返屋企。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

嘉颖单拖约友食Tea,开头他好似开笼雀咁讲唔停,倾了约一个钟知要“交人”便急急返归。

【头条独家】外母狂赞 顾家女婿街头吹水唞吓气 郑嘉颖约友食快Tea急返归

今年母亲节,郑氏一家去沙滩玩水庆祝。