*

upload_article_image

关心妍孭母女袋行玩具铺 Sales上身狂𠱁囡囡买玩具

调转头超搞笑。

月尾踏入42岁的关心妍(Jade)近期动作多多,除了伙孙慧雪和张美妮主持网上节目《靓妈围炉》外,早前又推出“疗愈三部曲”的首支单曲《腍》,上月中更透露为庆祝入行20周年,已入纸申请明年于红馆开骚!虽然忙为新歌宣传,但Jade都冇忽略爱女杨荣心(心心),早前两人孭“母女袋”去铜锣湾行街,其间Jade俨如Sales上身狂𠱁囡囡买玩具。

【头条独家】孭母女袋行玩具店各自睇嘢 关心妍𠱁女买玩具好搞笑

Jade与心心孭“My Melody母女袋”行街。

【头条独家】孭母女袋行玩具店各自睇嘢 关心妍𠱁女买玩具好搞笑

心心好得意唔会扭妈咪买玩具。

推出新歌的关心妍近日忙于宣传及教唱歌,不过一唔使开工,她都会长伴5岁女儿杨荣心左右,除了喺屋企一齐读故仔书、Jam歌玩乐器,早前两母女又孖住去睇展览、出户外做运动;而早前下午3时许,记者就撞到Jade与着到成身Hysteric Mini的囡囡孭“My Melody母女袋”,去皇室堡的玩具反斗城买玩具,同行仲有工人姐姐帮手推购物车。

【头条独家】孭母女袋行玩具店各自睇嘢 关心妍𠱁女买玩具好搞笑

Jade化身Sales𠱁囡囡买玩具。

【头条独家】孭母女袋行玩具店各自睇嘢 关心妍𠱁女买玩具好搞笑

着到成身Hysteric Mini的心心眼中只有至爱的面包超人。

【头条独家】孭母女袋行玩具店各自睇嘢 关心妍𠱁女买玩具好搞笑

心心今年开生日会,背后好多面包超人汽球呀。

当日心心好乖女,全程静静跟住妈咪边行边睇,亦都冇扭买玩具,反而Jade自动波一路Sell买呢样、Sell买𠮶样,惟囡囡仍无动于衷,搞到Jade都𢱑晒头。结果,在Jade落足嘴头极力推介下,成功𠱁掂囡囡买179蚊的Paw Patrol音效玩具;之后继续逛,不过二人各有各睇,Jade对DIY创作类玩具感兴趣,心心只挂住睇至爱的面包超人系列玩具,之后再揸一揸个面包超人水泡就行返去揾妈咪。最后逛了1个钟,擸多一盒199蚊的缤纷欢乐气球机及一盒199蚊的My Little Pony时尚套装,畀钱后便落地面上车返屋企。

【头条独家】孭母女袋行玩具店各自睇嘢 关心妍𠱁女买玩具好搞笑

Jade常与心心在家Jam歌玩乐器。

【头条独家】孭母女袋行玩具店各自睇嘢 关心妍𠱁女买玩具好搞笑

Jade有意邀徒弟陈泽言做个唱嘉宾。

【头条独家】孭母女袋行玩具店各自睇嘢 关心妍𠱁女买玩具好搞笑

Jade早前带心心去玩具反斗城买玩具。