蒋怡主持《大匠之峰》向名厨偷师　怕失煮食乐趣唔会开餐厅

2021年07月08日21:37 最后更新: 22:08

兴趣同职业两回事。

名模蒋怡近日为香港开电视饮食节目《大匠之峰》担任主持，先后于法国蓝带厨艺学校及中华厨艺学院学艺的她，乘机从大厨身上偷师，“其实学咁多嘢都系希望做饮食节目时，可以更加知道点介绍，同埋话畀观众听师父点样叻，当然自己都Enjoy煮嘢同食嘢。”蒋怡坦言凑小朋友好辛苦，下厨就成为一种减压方法。

蒋怡笑称旅游只为食佳肴及向餐厅偷食谱秘方。

先后于法国蓝带厨艺学校及中华厨艺学院学艺的蒋怡，直言下厨是她的减压方法。

所谓“工欲善其事，必先利其器”，热爱下厨的徐菁遥掷200万豪装厨房，蒋怡就拒绝厨房大翻新，皆因担心一个礼拜冇得煮饭会顶唔顺，随即她大爆老公甜爆举动，“因为抽气扇太低，我煮嘢成日要弯腰或擘脚，搞到腰酸背痛，后来老公揾人改咗个抽气扇，但一改就一日半，小朋友冇得准时开饭，我已经好𤷪𤺧，不过老公谂到呢一点都窝心。”

蒋怡向大厨偷师了解更多烹调的方式、原理、风格及变化。

蒋怡指老公特意改装高身的抽气扇，方便她下厨。

蒋怡连面包都自己焗，一对仔女和老公都变食家，近期忙为节目及新书《蒋怡Chef Coco想煮就煮》宣传的她，惟有出门前醃定三餐食物，让工人翻热或蒸焗给他们食，“而家都叫自己放低啲，畀多啲机会姐姐学，日日拣啲简单中菜食谱畀佢煮，佢学唔到就帮唔到我。”

新书《蒋怡Chef Coco想煮就煮》纪录了蒋怡自创的菜式。

蒋怡盼再出Cook book教大家煮简易快捷的菜式。

虽然疫情下日日煮到烦，但蒋怡仍能Keep住变出新菜式，原来灵感来自Cooking Show与出外用餐，“呢一年半好多人跟我IG煮，我今晚食乜就Po乜，好实在，简单又悭钱，帮到咁多人我都好开心。（开餐厅分享美食？）冇谂过，喺香港开餐厅好难赚钱同维持，好惊最后为生意失去咗煮食嘅热诚，加上有小朋友，我煮嘢系好执着、好难假手于人，所以冇可能做到。”