*

人生点都要试一次渡海泳。

  要揾一样最有香港味道,可以比一大班人参与嘅运动,非渡海泳莫属。       自1906年开始,至今已经过百年历史嘅维港渡海泳可以话系见证住香港嘅变迁,甚至每个停办原因都记录住影响香港嘅大事:香港沦陷、尖沙咀火车站拆卸,而曾经嘅终点就系皇后码头。有人将参加视为习惯年年报名,有人游到年过古稀一样热情不减,因为渡海泳唔单止可以强身健体,更加系香港嘅其中一项历史回忆。       由香港业余游泳总会主办嘅“新世界维港泳2018”将于今年10月21日(星期日)维多利亚港举行。由于历届报名愈见踊跃,大会今年将比赛名额增加600个至3600个,并将于8月9日截止报名,令更多人可以参加依项盛事。就算唔识游水,企喺赛道两旁为参赛者打气,感受当中热烈嘅气氛,都系一个唔错嘅选择。       虽然渡海泳有咁多吸引嘅地方,但大家都要量力而为。游水需要一定体能要求,而渡海泳比起泳池亦会更受天气影响。就算主办单位已经安排咗大量救生员同小艇救人都好,如果大家平日冇游开水,或者每次只系游到几个池就攰的话,今年就做住岸边支持者先,过两年练好再参加都未迟。

毛言地

** 博客文章文责自负,不代表本公司立场 **