*

upload_article_image

刘嘉玲瞓身色诱赵又廷 徐克踢爆:佢话未够喉

虽然嘉玲讲明不用问准梁生(朝伟),但她真的不怕梁生嬲?

刘嘉玲最近在电影《狄仁杰之四大天王》中第三度演“武则天”,戏中有场色诱赵又廷演的“狄仁杰”场口,身穿透视低胸装的嘉玲姐,要疯狂扭动蛇腰喺赵又廷身上游走,场面火辣。嘉玲姐话完全唔识点做,要导演徐克亲自示范先得,不过徐克就踢爆,“佢话未够喉㖞!”

嘉玲姐演的“武则天”戏中有多个造型,嘉玲姐话虽然靓,但装扮好花时间,而且装饰物太多令皮肤受罪。

 继《狄仁杰之通天帝国》和《狄仁杰之神都龙王》后,嘉玲姐第三度再演“武则天”,事前做足准备,除睇历史资料同听教授讲解,最重要早已有个崇拜“武则天”的心,“我系崇拜佢,作为女权主义者,佢系我哋榜样,佢喺几千年前一个男权世界做咁多嘢,打破好多传统,我成日觉得佢点做到呢?佢喺朝廷出主意帮皇帝,又喺后宫打理咁多嘢,因为太多人要陷害佢,好多陷阱。”

就是这场“武则天”半夜入“狄仁杰”房上演的色诱戏份,考起经验丰富的嘉玲姐。

嘉玲姐扭动蛇腰演绎得好放,完全睇唔出之前被考起。

性感零难度

虽然嘉玲姐演“武则天”已上晒身,但今次一样被一场戏考起,就是色诱“狄仁杰”(赵又廷),火辣程度睇过都会“哗哗声”,不过徐克竟然爆出一句:“佢话唔够喉㖞!”但嘉玲姐就解释,“只系正常嚟讲武则天色诱人,一定系好厉害,有番咁上下(手段),如果唔系佢点会吸引到两朝皇帝呢?但系我做唔到㖞!因为‘武则天’系超人,我只系凡人嚟啫,只系凭空想像,好彩导演做到,哈哈!导演示范畀我睇,佢示范点样躝呀!”

嘉玲姐强调同老公梁朝伟工作上,唔需要互相交代,所以拍火辣戏事前亦不用审批。

但对于要着低胸透视装,嘉玲觉得零难度,“性感我就唔惊嘅,只要剧情需要,不过唐朝啲衫好复杂,尤其系‘武则天’,好多珠同饰物,所以躝嚟躝去,真系好阻住。(徐导:会唔会躝嚟躝去甩咗?)哗!你睇我好似好轻盈,其实啲珠整到我周身痛㗎!”不过问到拍呢种火辣戏,使唔使事前问准老公梁朝伟呢?她就笑笑口好肯定咁话:“唔使!从来都唔使!(徐导:咁你老公有冇向你请示?)哈哈!梗系唔使!从来都唔使。”

嘉玲姐出任老公梁朝伟经理人,为他亲自接洽工作。

 

演到八十岁

除了拍电影,嘉玲姐刚完成舞台剧《夺命証人》17场演出。

徐导笑指今集加重嘉玲戏份,只因觉得她之前太舒服,好快就拍完。问到这系列会否长拍长有,徐导就话:“狄仁杰同武则天故仔有好多,续集唔一定系讲查案嘅,可以系两个人发展落去嘅关系。(会长拍长有?)呢样牵涉到演员、剧本、当然仲有老细啦!创作方面(嘉玲:佢大把货!)我哋原意搞落去系冇问题。”而嘉玲姐亦好愿意继续演偶像“武则天”,“只要导演叫我做,我可以做㗎!武则天八十几岁先死,我一路可以演落去。”

嘉玲姐自家时装品牌“ANIRAC”3月举行时装骚。