*

upload_article_image

日日轮住“万岁”齐变肥 蔚雨芯拍《救妻》狂识新朋友

Rainky话肥住开工都值!

蔚雨芯(Rainky)最近在TVB逢周日播出的新剧《救妻同学会》中饰演神婆“Vien”,首次扮平时好Cool,但每次开声都语出惊人的角色,加上造型又特别,令Rainky拍得好过瘾。由于全个剧演员以年青一辈为主,Rainky与大家虽然初次合作但好快熟络变成好朋友,大家每日轮住“万岁”,搞到个个肥了。

这套剧已是Rainky今年第三套出街的剧集,之前有《再创世纪》和《是咁的,法官阁下》。

这个神婆造型虽有特色,但头带箍得耐搞到Rainky头痛。

由于是首次演神婆,Rainky都有特意去补习玩塔罗牌,“我以前都试过睇塔罗牌,但真系唔识点玩,所以有揾人专登学过,我同导演设计咗个角色唔系成日出声,但一开口就讲啲好中嘅嘢,系个好得意嘅角色。”

Rainky本身不太懂玩塔罗牌,为角色要向专人请教。

《救》剧以年青人为主线,主要演员都不过30岁,自然特别聊得来,Rainky因而认识好多新朋友,“我本身同大部份演员都唔太熟,但系后生仔好快熟络,仲做埋好朋友,每日开工都好噪,但好开心,每日都会有人‘万岁’,最惨自己有场着泳衣戏,所以忍口忍得好辛苦,但无办法啦!”

Rainky跟一班演员感情好,大家轮住玩“万岁”。

Rainky为了这场着泳衣戏,忍口忍得好辛苦。

其实Rainky已跟吴奇隆旗下内地公司约满,所以她暂时会专注留港发展,“我暂时想多啲留返喺香港,特别系想参与多啲戏剧方面嘅演出,内地工作同唱歌方面有机会都会继续,但系目前会以香港同演戏为主。”

Rainky年前签约吴奇隆旗下内地公司发展。

Rainky希望向演员的路发展,暂时唱歌工作会减少。