*

upload_article_image

《荷里活》扮衰人 汤镇业想“五虎”合体斗戏

汤哥话咁先够挑战性㖞!

王晶监制,由郑则仕、汤镇业(汤哥)、秦沛等老戏骨主演的无线新剧《荷里活有个大老千》接棒《大帅哥》播出,汤镇业饰演嘅华探长文雄戏份重,除咗逼“龙四”Ken哥坐监外,仲将其女友“百合”张慧仪私有化做二奶,简直奸到出汁。60岁的汤哥表示想同前“无线五虎将”中的黄日华和苗侨伟携手拍剧,够晒挑战性㖞!

新剧中,汤哥左拥右抱,好风流。

新剧《荷里活》中,康华跟汤哥首次合作,原先同时期她有赚钱job,但为了同儿时偶像合作,竟然嫌钱腥推剧:“佢系我男神,经典作品《香城浪子》等超吸引,当年佢嘅海报我贴满牀头,所以开工第一日已好开心。不过,呢个前辈有小小严肃同霸气,初头识佢都有小小惊,后来发觉佢系个大好人,见佢真心对训练班学员好好,仲教埋点讲对白抢戏,演技更加冇得顶啦。”汤哥闻言笑说:“O依家拍戏冇得揸流滩啦,所以中、港、台观众都钟意睇有戏味演员,内地叫我老戏骨,秦沛呢啲叫‘骨灰级’!”

如果汤哥跟黄日华(左)、苗侨伟(左二)、刘德华(右)合体拍戏,卡士超强呀!

想“五虎”埋班

问到可会多拍港剧?汤哥一口say no:“哈!今次做得好奸,太乞人憎喇,所以要快快离开!其实主要系时间问题,留港拍剧几个月TVB畀唔起钱,条数计落唔划算,除非昔日五虎同黄日华、苗侨伟合体就另议,以前佢哋个个靓仔,O依家大家都成熟压到场,可以齐齐斗戏,系个挑战,又有新鲜感同噱头,比如拍部讲恩怨情仇,揾埋小鲜肉做仔,阿苗有Bosco,咁我揾吴卓羲都可以,佢有小小奸奸哋,但我两个仔啲戏未得。如果TVB肯,我咪肯拍囉!或者可以做吓舞台剧,我八期训练班;黄日华第九期;华仔(刘德华)系十期,不如做个《八九不离十》,华仔客串吓都唔错,反而伟仔(梁朝伟)唔埋堆,一直少联络。”

康华跟偶像汤镇业首度合作,大赞对方好识照顾人,又够专一。

汤镇业好率直,坦言两个孖仔演技未得,只可以做学生。

新剧中,汤哥左拥右抱,好风流。

汤哥逼张慧仪做二奶,又强吻她,奸到出汁。

拍内地剧密密掘金的汤哥,同第二任太太邹文静育有一对10岁孖女。