*

upload_article_image

王子涵被指“靠父荫” 郑则仕:系我开口捧世侄女

Ken哥话:“机会系留畀有准备嘅人!”

本周大结局的剧集《荷里活有个大老千》进入高潮篇,外间反应好,带挈“孭重飞”的“砵仔糕”(丁小雨)、王晶女儿王子涵成功弹出,而剧中主角、67岁的郑则仕(Ken哥)亦人气急升。对于糖尿缠身好憔悴,减磅二十磅拍《荷里活》的Ken哥笑说刚做完身体检查,否认有“三高”,还提高声调、劲精神替子涵澄清“靠父荫”上位:“唔好屈晶哥,其实系我提出捧王子涵,晶哥先将佢摆上去做‘女一’。”

被指糖尿缠身的Ken哥,坦言早前专登减廿磅拍《荷里活》,之后太辛苦又瘦十磅。日前刚check完身体,一切正常无“三高”。

无论工作有多累,Ken哥习惯会重看剧集两次以上,看下拍摄成果,亦会留意同场演员的演出状态:“今次回响几大都几惊喜,评价中,当然最深刻矛头指向晶哥,话佢开剧捧女,捧个女呢样嘢唔系晶哥行先,呢行有太多人捧自己仔女,而且王子涵由冇人识到系人都知佢叫‘砵仔糕’唔系白捧。佢首次做女一,演技虽然唔叫精采,但合格有余,毕竟影龄唔耐。而且佢好受教,就算拍戏时我用粗口闹佢,佢都受得起。”

Ken哥饰演的龙四和砵仔糕呢段父女情,有笑有泪。

Ken哥强调由他主动向晶哥要求捧王子涵,反而晶哥压力比他大,最怕失败后对个女期望幻灭。

原来Ken哥早前同晶哥合作电影《追龙》时结下片缘,两人好啱嘴形,加上当年在《火线下的江湖大佬》见过子涵做戏不错,就大胆开口向晶哥说,“不如将子涵交畀我一次,等我试吓能否帮到佢。”Ken哥续说:“机会系留畀有准备嘅人。(系子涵大恩人?) 千祈唔好咁讲,请我食餐饭就得。唔只子涵,连吴业坤、蔡瀚亿(BabyJohn)我都一样喺片场用粗口闹醒佢哋,我出名火爆嘛。现场衰咪得一百几十人知,但播出街会有几百万人睇到呀。”

郑则仕早年凭电影《三个受伤的警察》夺影帝,演技被肯定。