*

继续睇好

我早前有文章叫朋友若持有的股份有钱赚想沽,话可以先沽一半,后来有网友问起我系唔系睇淡,其实我并不是睇淡,有几条问题可以自问自答。

1. 你叫人有钱赚的股票沽一半是否睇淡?

不是,这和睇市无关,只是一个买卖策略,我的信念是不怕赚少了,只怕无钱落袋无得赚。所以但凡有朋友有获利货想沽,谂唔掂,心大心细问我,我大多叫佢谂唔清楚先沽一半,炒股有钱落袋才是真钱,一日未沽,一日只是帐面数。

另一种情况是手上有千年蟹货,坐了艇了几年,刚刚返到家乡,我亦会叫他们至少先沽一半。当日买贵了才要坐艇,今天回到家乡已升番唔少,沽清也赚了过去几年收的股息,沽一半留一半再睇睇亦得。

2. 什么叫做够胆输不够胆赢?

上述叫人若谂唔掂沽一半先的说法,和批评散户“够胆输不够胆赢”的状况有点相似。即系话散户输的时候跌五成都无止蚀,但一赚少少就走了,结果是输的多、赢的少。

首先你若对一只股的经营状况好有研究,例如知佢转亏为盈,未来几年生意都好景,不纯粹因为大市而升,睇好佢未来几年前景,这种股票真是一半也未必要沽,睇得清,要够胆长揸,可以食到佢尽。奈何一般散户对股票无甚研究,买股蒙查查,“谂唔掂”时,沽一半亦无乜坏。只要大市好,沽了甲,可以买番乙。

3. 未来大市点睇?

上半年、特别是5月前,仍然睇升。到中美达成贸易协议,中国经济明显回升时,就要小心。

图: 恒指半年图

图: 恒指半年图

睇番恒过由1月至今,都系一个完美上升之势,在此走势被破坏之前(即上升轨未跌穿之前),仍可继续睇好,维持见较明显回吐就吸纳的交易策略,直至这个走势终结为止。

陆羽仁

** 博客文章文责自负,不代表本公司立场 **