*

upload_article_image

新歌首打入四台音乐榜 石咏莉:好兴奋同鼓舞

Sukie:“嚟紧我会努力做多啲好歌送畀大家。”

石咏莉(Sukie)早前为新歌《动态回顾》拍MV,其中一幕在坟场取景,拍完后不知撞邪定太攰,令她哮喘复发。幸好该首歌成功打入四台音乐榜,成为她第一首派台歌有这样好成绩,令大病初瘉的她既兴奋又鼓舞。她最近虽忙为下半年推出的翻唱碟和原创EP录音,但打了这支强心针,即时充满力量。

Sukie在《动》MV在坟场取景,她拍完即病,曾怀疑撞污糟嘢。

当日拍完《动态回顾》MV,Sukie即时病倒,“我都唔知系咪因为同时筹备两只碟太攰,定真系撞到啲咩污糟嘢,总之返到屋企成日发恶梦畀人追,跟住又哮喘复发,搞到我病足成个月唱唔到歌,啲录音都要停晒,真系好担心㗎!”

《动》MV虽由Sukie老公邓健泓执导,一样好大方安排她出浴。

近日Sukie刚病好,《动》歌亦传来好消息,“同事通知我嘅时候,自己都唔信有咁好成绩,四个台都可以上到榜,商台仲上到第二位,真系好感恩。(想唔想更想一层楼攞埋冠军?)真系唔敢谂,有咁嘅成绩已经系一个好好嘅开始,系好兴奋同鼓舞,嚟紧我会努力做多啲好歌送畀大家。”

为悭制作费,Sukie今次继续揾老公客串,不过唔见样,“讲个男主角死咗,我唔舍得叫佢扮。”

网上图片

其实Sukie这么忙,只因同时筹备翻唱大碟及原创EP,“本来话过暂时唔再出翻唱歌,但公司好难得攞到啲之前冇畀人翻唱过嘅经典歌版权,机会难得就决定只碟8月出,仲有啲歌未录好,依家好番会追番啲进度。”她又预告原创EP,继上次跟韩国组合Winterplay合作后,会再跟另一韩国知名制作人合作。

Sukie在《动》MV演技大爆发,难怪她早前能在“第六届创+作微电影支援计划”夺得最佳女主角金奖。

网上图片

网上图片