*

upload_article_image

心情靓靓拍外景 马国明暗示与心颖示已分手

马明值得更好~

“安心事件”曝光后,被指周身名牌贪慕虚荣、一心钓金龟的黄心颖败走美国“避世”,而马国明经过个多月沉淀,“内伤”已完全康复,心情愈来愈好,日接夜赶拍新剧《降魔的2.0》依然识讲笑。

黄心颖避走美国,马明亦不愿多提女方名字,但问到日后揾女友类型,马明坦言唔会再揾港女,暗示跟心颖已分开。

被指港女的黄心颖周身名牌,她曾坦言系大花筒,马明养佢唔起。

暴瘦及憔悴过后,马明已回复状态,日前在西贡园艺农场通宵拍外景时,幽默感返晒嚟。当日场口讲马明和胡鸿钧(Hubert)等合力打怪兽拯救谢雪心,开通宵无得瞓,但马明全程Hyper,又同演员玩自拍,动作多多鬼咁精神,还笑得好大声,劲风骚。

“安心事件”曝光后,马明又瘦又憔悴,睇见都心痛。

跟张曦雯及契妹唐诗咏合作的《白色强人》将于6月10日播出,马明话冇期望攞到视帝。

例子一有,他跟戏中妈妈心姐讲笑,话自己踎低扶住心姐呢个动作,镜头摆位关系会令人误会同阿妈“打茄轮”;例子二系当等拍打戏时,马明见传被TVB雪藏的Hubert有替身,即无限取笑Hubert,讲到Hubert都有啲唔好意思,马明大笑说:“你就好啦有替身,做歌星受力捧,我都有替身……衫!哈……”Hubert尴尴尬尬,只好回答:“承你贵言!”等马明收口,好搞笑。不过,笑还笑,马明真系好用心,一埋位就好专业,完全熟读剧本。

马明笑胡鸿钧有替身肯定受TVB力捧,睇吓马明笑到。

问到是否已放低包袱?马明继续避谈更将话题扯到去地球另一边:“终于拍完套剧好开心呀,好似完咗一件事咁,其实我日日都咁开心㖞,我去睇车𠮶阵仲开心呀,就算唔买睇吓都好呀。我好钟意车,两部座驾好似老婆咁,拍完呢套剧会亲自带佢哋去验车同搞续牌,从来都系亲力亲为,唔会假手于人,搞完车咪留喺屋企睇波,唞吓,冇打算外出。”

拍完《降魔的2.0》,放两个月假先再拍新剧《使徒行者3》嘅马明心情非常好,埋位前成日笑,仲不断整鬼同剧演员。

被封为娱圈清泉好男人,零负评男神,马明只当笑话,指只是虚火,对工作无太大帮助,揾钱才最实际:“喺TVB揾得几多呀?希望有多啲揾钱机会,就算有车有楼,再赚钱嚟买车、买楼,买乜都好,要有生活保障,大佬呀,成家人要我养,我好大压力㗎,再唔揾就全家仆直喇,(系咪体会到男人有钱就有女?)有钱先扑埋嚟就冇意思,我年纪唔细唔要港女。”

马明跟同场演员玩自拍,劲风骚。

问到日后想揾咩类型女朋友系咪要用情专一?马明谂都无谂,“唔知,随遇而安!”马明表明不要贪慕虚荣港女,更乘机澄清外间对他跟黄心颖的错误解读:“有太多误传,一时话我留恋情侣公仔,继续放喺车度;一时又话我除低情侣戒指,我想讲所谓嘅情侣戒指只系登台饰物;所指嘅肖情侣公仔只系吉祥物,因为黑色车要放红色嘢,未拍拖前都有呢对公仔啦。”疑似暗示同心颖已分开。

马明话车内嘅所谓“情侣公仔”只系吉祥物,未同心颖拍拖前已有。