*

upload_article_image

减逾20磅操出胸肌 苏永康:唔会除衫吓人

仲有三日就开骚!

苏永康(阿公)正为今个星期五、六(6月21、22日)于红馆举行的演唱会紧密排练。首次与过百位来自世界各地乐手合作,在密室排练的阿公直言非常兴奋及开心,听到一首首重新编曲的首本名曲,令他感动不矣,“真系谂唔到一听音乐起,竟然令我找回当初为热爱唱歌,热爱音乐的那份初心,有几首歌真系个心都震埋,非常震憾,迫不及待想同大家分享今次成果。”

William话重首本名曲新编曲后,让他揾到初心。

为了演唱会,阿公亦积极减肥修身,日夜操练之下减了二十多磅,成个人瘦了一个码,“真系练到胸肌都有埋,不过大家唔使担心,我唔会唔著衫出来吓人,哈哈。其实练身都系对自己的健康负责任,希望有最好的体能上场,不要生病咁先可以发挥到最状态。近呢两个星期,连食嘢著衫都好小心,尽量唔畀自己有感冒的危险啦,因为依家啲感冒菌大家都知啦,好耐都唔好。唔知系咪keep住做运动,所以身体真系好咗,以前每次演唱会,个人紧张,压力一来,我口唇边就一定出晒疱疹二形,一粒二粒,但今次又一粒都冇出㖞。我系二形,唔系一形呀下,大家咪误会。”

苏永康

苏永康

问到刚过去的父亲节如何度过?阿公话成个父亲节都要做足24小时凑仔公,“老婆出差唔喺香港,剩番我一个,边个同我庆祝㖞,我咪24小时喺屋企凑仔囉,唔系边个帮我睇住佢,父亲节我估要等到我个仔再过多两年啦,识得做下手工仔,我估我先开始真正得到个仔送礼物畀我啦。”

阿公话成个父亲节都要做足24小时凑仔公。