*

upload_article_image

陪袁咏仪买𩠌有倾有讲 “魔童”全程痴实好乖仔

见到记者还主动挥手,好有礼!

张智霖同老婆袁咏仪带12岁囝囝张慕童(魔童)去咗瑞士参加夏令营,一家三口玩得好开心。出发前,“迷你靓靓”魔童陪住靓靓去铜锣湾Shopping同买𩠌,期间两个有倾有讲,买嘢时有商有量,魔童边行又边搭住阿妈膊头,又靓又乖仔。 

魔童会搭住阿妈膊头搭扶手电梯。

去到超市,魔童会同阿妈一齐整好购物车。

靓靓同老公经常参加内地真人骚节目,揾大钱之余又可以放闪,收钱讲私隐当然无问题,所以你会听到张氏夫妇讲陈年情史,但现实世界呢,当然两回事,以前靓靓出街唔钟意俾记者追踪,抱住个仔更加咪使旨意影到魔童条眉毛,不过,个仔大咗,自己开咗ig,靓靓都唔再强硬保护囝囝五官曝光。

虽然已12岁,但魔童同阿妈行街仍然黐到实。

魔童买完珠奶,靓靓拖住个仔时表情唔多宽容。

魔童好Nice

日前下午4点,靓靓同个仔去咗利园买衫,小朋友系A Bathing Ape迷,快速买完就拎袋衫交畀司机,两母子再去买珍珠奶茶然后行去时代地库超市买𩠌,两母子喺超市一直有倾有讲,关系非常Close,快买半个钟阿囝搭住阿妈膊头搭电梯离开,一上地面,有礼魔童主动同记者挥手,一直Keep住无笑容嘅靓靓见到囝囝释出善意即跟住向记者挥手,画面好温暖。

两母子行完超市,魔童先向记者挥手,之后轮到靓靓。

两母子买咩都有商有量。

张氏一家正于瑞士过暑假。

童年魔童超级得意。