結婚本屬人生喜事，但不少準新人會為禮金的問題苦惱。有準新娘指，跟未婚夫計畫明年結婚，買樓時女家已付首期作嫁妝，故希望男家給予10萬元禮金，但男家卻認為金額「太多」，令她不知如何是好。
設計圖片
該名準新娘早前向社交媒體Facebook群組「我的極品四大長老」投稿，指自己與未婚夫計畫明年結婚，買樓時女家已付首期作為嫁妝，現時母親希望男家給予10萬元禮金，未料男家竟認為禮金額「太多」，令她不知如何向母親交代，遂詢問一眾網民意見。
設計圖片
帖文引起網民留言討論，不少人認為女家已支付買樓首期，男方連10萬元禮金都無法負擔，實在「小器」甚至「無用」，更認為事主在男方眼中或許不太重要，「吓，女家畀埋首期，嗰10萬蚊禮金都話多，嫁啲咁嘅男人把鬼咩，勉強嫁咗過去真係有排你受」、「畀首期做嫁妝，嗰10萬禮金都未必夠首期一半啦！仲要到時女家收完禮會回一半，咁樣男家都唔肯，我勸你諗清楚呢個男人同男家」、「點解自己要結婚，佢自己唔儲錢？無錢就唔好結啦！」
設計圖片
不過，亦有網民批評事主的不是，「唔好要你阿媽幫你畀首期，唔一定要買樓，靠自己租都得嘅」、「你阿媽要啲禮金，咪又係用嚟買金畀你！你父母畀首期，都係想你嫁咗後唔使同62（老爺）99（奶奶）迫，又唔使捱貴租，唔通多錢得滯咩！諗下父母嘅心意先啦」、「未嫁已經唔幫自己阿媽，10萬好多咩，不孝女」。
有準新娘指，跟未婚夫計畫明年結婚，女家買樓時已付首期作嫁妝，故希望男家給予10萬元禮金，但男家卻認為「太多」。網圖（示意圖）
資料來源：「我的極品四大長老」FB
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
