效力無綫逾40年 綠葉王李成昌憑《異搜店》多層次演技彈出

一直予人感覺善良敦厚的堂哥，很多年前原來因一時貪念放火燒了男主角阿信（何廣沛飾）父親阿仁（鄭啟泰飾）經營的二手店；當真相「敗露」後，堂哥在天台下跪的爆喊懺悔戲獲得網民廣泛好評，大讚李成昌多層次演繹觸動人心，直指昌哥是「無綫大寶藏」。

李成昌呢幕戲。

相信又會成為另一個無綫劇經典場口。

之後網民再列出昌哥近年三大代表角色，分別是《異搜店》的堂哥、《殺手》的佛爺，以及《凶宅清潔師》中的尹月平師傅：「好鍾意睇佢做戲，次次都啱啱好」、「佢《凶宅》做得超好，令套劇更吸引」、「《殺手》演出破晒格」、「當年佛爺一出場我就驚」、「可奸到出汗，忠和搞笑都得，是不可多得的綠葉」、「希望有更多有發揮嘅角色畀佢」。在圈中逾四十年一直努力默默耕耘的昌哥，就連人品亦獲一致好評：「佢好長情，一直效力無綫又冇咩怨言」、「飲水思源」、「佢份人好豁達同低調」、「睇訪問覺得佢好錫家人」、「佢真人好nice好好客」。

網民話李成昌演繹當年嗰種貪婪時相當有戲味。

堂哥入獄後，昌哥成功演繹出「無債一身輕」嘅感覺。

昌哥在《凶宅》中飾演法師尹月平，性格慈祥、善惡分明，但因自身的執著，以致與其他人關係疏離，身邊只剩下徒弟仔招仔（洪永城飾）常伴左右；雖然招仔與尹師傅不是父子，但二人全劇互動相當有愛，不擅表達情感的二人表面上針鋒相對、打打鬧鬧，但實質暗地卻十分關心對方。

佢同洪永城嘅互動，既感人又搞笑。

相當有愛！

二人表面上針鋒相對，但實質暗地卻十分關心對方。

而昌哥劇中的「長髮」造型，亦獲讚相當有型：「長髮Look煥然一新」、「個假髮好真，後生咗十幾年」、「留長頭髮堅型」。昌哥受訪時，也笑言十分喜歡相關造型：「是我多年來很想戴的假髮，戴咗的確增加了我表達感情的能力。」昌哥又指由於身邊沒有「老實又固執的道士」，最終他找了個性格特點相像的教師朋友作為角色參考原型，再憑自己的創作及以往的經驗去「設計」現在的「尹月平」。昌哥又指《凶宅》是近年無綫難得一見的劇集類型：「不是單純靠嚇，而是說靈界中的愛和感情。」

昌哥喺《凶宅》嘅造型亦帶給觀眾唔少驚喜。

昌哥話呢幕戲由於拍攝環境相當炎熱，令他與對手演員李梓謙分不清汗水與淚水。

李梓謙劇中飾演尹月平患重病的兒子。

昌哥完完全全演活一個憂心嘅慈父。

喺安慰病重兒子期間，昌哥整場戲都隱約見到眼淚在眼眶打轉，間中還要「唧」出笑容免兒子擔心，相當考演技。

《凶宅清潔師》是myTV SUPER首部靈異題材原創劇，上架後廣受好評，除了演員演技各有突破，恐怖唯美拍攝手法以及突破傳統以畫面取代對白說故事的呈現方法，亦令觀眾留下深刻印象：「要畀月費先有得睇，不過值」、「很好的劇集，期待第二季」、「無實則血淋淋，但氣氛好，同埋有幾多跟住走嘅畫面，用手機睇好正」、「劇情、人物都做得好好，係近年TVB佳作」、「突破傳統鬼片嘅千篇一律」、「閂燈睇包你打冷震」、「結局真係估佢唔到，幾有電影Feel」、「洪永城脫胎換骨，全部實景拍攝，代入感十足。」