吳肇軒餵街貓想收編 發現剪耳擱置計劃

餵出感情！

呢期睇ViuTV成日見到吳肇軒，因為佢同凌文龍、游學修及陳湛文輪住主持節目《演員‧門》。吳肇軒本身有兩隻狗狗黑啤和豬皮，之前受訪提到兩隻夠晒數，因為好驚佢哋離世會好傷心，但緣份就係咁奇妙。

吳肇軒首做主持反應唔錯。

吳肇軒本身有兩隻狗。

吳肇軒見到隻好得意嘅啡色街貓，因為貓貓跟住佢，所以就忍唔住買罐罐餵佢，愈餵隻貓就愈黐佢，需知道喵星人都好蠱惑，搞到吳肇軒都好想帶佢返屋企，但發現佢剪咗耳，覺得應該有人照顧緊佢而打消念頭。不過出Po後，好多貓友都留言告知，剪耳只係代表隻貓貓係絕咗育，希望佢可以令貓貓有個家，由於群情洶湧，吳肇軒即表示，「大家唔好咁緊張，等我呢幾日了解下佢個情況先，朋友話，多數義工帶咗佢去絕育之後放返出嚟，係代表嗰區應該有人會負責佢。」咁貓貓有家當然好過流浪啦。

成日餵貓貓。

個眼神好似叫吳肇軒帶佢返屋企咁。

吳肇軒餵街貓餵出感情 想收編發現剪耳Hold住先

吳肇軒在劇中不時要被人潑咖啡或掌摑！

由兩大「影壇新貴」吳肇軒、楊偲泳（Renci）合演的Viu Original本地原創劇《The Singleton呈獻: 轉角浣紗街》，日前已於「黃Viu煲劇平台」首播！劇集以「1/2 Café」為背景，講述飾演老闆娘的Renci在咖啡店首創配對服務，為客人牽紅線，而飾演「分手大師」的吳肇軒卻在店內經營「代理分手」生意，因而成為歡喜冤家；而現實生活中，吳肇軒與Renci亦同樣是歡喜冤家，拍攝期間，二人不時搞笑互窒，令開工氣氛倍添輕鬆。

吳肇軒與楊偲泳在《轉角浣紗街》飾演歡喜冤家。

二人由歡喜冤家變成最終伴侶。

拍攝氛圍幸福
吳肇軒與Renci在《轉角浣紗街》由歡喜冤家變成最終伴侶，Renci笑說：「六年前同吳肇軒合作過，佢經常都係做啲迷戀我嘅角色，冇辦法啦，我唯有接受。今次佢成日去我間舖度捕我，不過我哋係鬥氣冤家，反而劇中楊天宇先係迷戀我。」講到現場拍攝氣氛，Renci直言非常開心，因為拍攝現場不僅有冷氣，而且充斥陣陣濃烈的咖啡味，令人有精神幸福感覺，她表示：「本身鍾意飲咖啡，一日可以飲3、4杯，所以好神奇，拍攝環境有咖啡香味，特別精神，大家都感覺好幸福，就算唔使埋位，都鍾意留喺cafe度。」

劇中Renci在咖啡店首創配對服務，為客人牽紅線。

飾演「分手大師」的吳肇軒卻在店內經營「代理分手」生意。

吳肇軒不時要被人潑咖啡或掌摑。

遭掌摑小兒科
至於飾演「分手大師」的吳肇軒，因為要代人提出分手，在劇中不時要被人潑咖啡或掌摑，他笑言「小兒科」，還分享一件拍攝趣事：「有一場戲，講Renci喺幻想中用咖啡潑我，拍呢場戲之前，佢練習好耐，話要點樣潑我先令我最甘，結果拍嘅時候潑歪咗，淨係潑到我個身。楊偲泳學嘢喇，善良係會得到最後勝利！」

楊偲泳密謀用咖啡潑向吳肇軒。

可惜撻Q收場！

拍攝期間，二人不時搞笑互窒。

一連10集的Viu Original原創劇《轉角浣紗街》講述一個怕受傷害、寧願從不開始的女生，遇上認為痛過才算愛過的分手大師，在這小小的咖啡店裡，一同見證著眾生的愛情故事。 劇集逢星期五、六中午12時在「黃Viu煲劇平台」獨家上架，香港觀眾可以免費緊貼最新進度 。

《轉角浣紗街》逢星期五、六中午於「黃Viu」上架。