網民公開買三餸飯攻略 4大貼士免費升級餸菜分量

社會事

網民公開買三餸飯攻略 4大貼士免費升級餸菜分量

2022年01月18日 10:30 最後更新：12:19

政府早前宣布禁晚市堂食至年初三（2月3日），買外賣變為市民的新常態，兩餸飯更成為晚餐「大熱」。一名擁有12年「買三餸飯經驗」的網民分享4大買飯心得，教大家如何免費加大餸菜份量，引起網民熱議！

有男網民在社交媒體Facebook群組「香港兩餸飯關注組」發文，分享自己購買三餸飯12年的經驗及心得，形容每次買飯都是一個挑戰，「人生嘅歷練似乎喺呢一刻要發揮晒出嚟」，因為每次點菜時都會被店員催促指「快啲講食咩餸」。他估計對方此舉是要控制每道菜的分量，故此歸納出購買三餸飯的「貼士」，以增加餸菜的分量：

1. 了解餸菜性質

樓主指，餸菜可分為「可量化」及「不可量化」，例如雞翼、豆腐及蒸魚等均有特定數目，屬「可量化」；而蕃茄炒蛋及粟米魚柳等則屬「不可量化」，因每次分量都會不同，「你數唔清有幾多粒，你都永遠唔會知道今次係蕃茄多定係蛋多」。

2. 第3道餸分量或會較少

樓主表示，第3道餸在一般情況下的分量會較少，因頭兩道餸已「就嚟塞爆個飯盒」，因此若點的第3道餸菜屬「不可量化」，便只能「下次再試過啦」。

3. 先叫兩餸飯再「轉軚」

樓主建議，可先向店員聲稱要兩餸飯，而兩道餸菜必須為「不可量化」；當頭兩道餸菜已「塞滿飯盒」時，便再向店員表示「呀！我都係要多個餸啦」，這時便可點「可量化」菜式，店員不能因頭兩款餸分量太多，而減少第3款餸的分量，「簡單啲講即係『硬食』，佢點都要畀返足夠分量嘅第3個餸你」。

4. 讓自己及店員堅信要兩餸飯

樓主特別提醒，在點菜時要讓店員及自己都堅信要點的是兩餸飯，「自己都呃埋咁滯」，再在適當時候提出「轉軚」要3款餸菜，形容「通常喺繁忙時間裡面，對方都會因為咁突然嘅要求不知所措」。

此篇「買飯攻略」引起該關注組各成員熱烈討論，有人大讚樓主精明，「好有道理十分明智！」、「多謝樓主的兩餸飯攻略」、「果然係一個有歷練嘅人」；不過亦有人批評樓主市儈及自私，「你試多幾次，阿姐就會記得你，到時再扮都無用」、「咁做法就算對自己有利都好，點都會阻住後面客人啦，唔好咁自私好無」、「做人每刻都咁計算真係好辛苦」。

資料來源：「香港兩餸飯關注組」FB

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30 最後更新：14:06

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。