Edan獲吳君如傳授喊技 鄭中基Gigi按摩鼓勵

自我挑戰演出喊戲。

MIRROR的呂爵安（Edan）處男電影《闔家辣》即將上映，戲中獲前輩賜教演技，包括飾演其父母的鄭中基及梁詠琪（Gigi），當然還有飾演其姑媽的吳君如，令Edan放下偶包，將角色演得淋漓盡致。不過在MIRROR當中出名「唔易喊」的Edan在戲中要演繹一場生意失敗，愧對父母而爆喊的內心戲，當接到劇本Edan已感到很大壓力，他亦向君如透露十分擔心演出。

劇情講到Edan生意失敗，在父母前痛哭。

君如親自到場教Edan點樣培養情緒。

Edan總算演出成功。

身兼監製及演員的君如在當天專程去到現場與Edan獨處培養情緒，教導Edan何打開自己的淚腺，最後二人更在鏡頭後爆喊擁作一團。儘管想上了珍貴的一堂，但拍攝前Edan依然忐忑不安，君如再親自示範如何進入狀態，鄭中基陪同圍讀試戲，Gigi更為Edan按摩肩膀助他放鬆心情，而Edan亦努力培養情緒，而現場所有人都默不作聲，以免影響。

Edan跟Gigi都投入演出。

一拍完Edan總算鬆一口氣，鄭中基（左）同Gigi都為他打氣。

結果Edan順利完成喊戲拍攝，放下心頭大石說：「我對自己淚腺嘅存在一直都好疑惑，因為自己比較少喊同唔開心，所以當演出需要唔開心或者0喊時，自己都擔心係咪可以做到。其實我又不係首次拍情緒戲，《大叔的愛》都有拍過，但對我嚟講係唔合格，經過今次拍攝真係學咗好多嘢，經過十幾日嘅拍攝，到拍喊戲時已經放開晒。」

Gigi和鄭中基在戲中扮演夫妻。

Edan跟鄭中基（左）同是喜感十足。

Edan亦十分感激吳君如細心的教導：「前一日君如已經話會嚟幫我，佢仲叫我朝早空肚飲少少酒，的確係放鬆咗，拍出嚟的確有情緒，雖然好似冇咩流眼淚。我俾自己4、5分，勉強合格！我未係專業演員般咁揮灑自如，但我盡咗力，君如都收貨，我相信應該合格吧！」

兩母子感情好好喎。

Edan自我挑戰演出喊戲 吳君如親自私人教授培養情緒

呂爵安新mv自己有份構思。

呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。

呂爵安與創作團隊製作了一個很貼地、充滿港式情懷的MV

如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」

說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。

mv有不少Edan寫詩追女仔畫面

mv畫面截圖

mv畫面截圖

mv畫面截圖

Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」

Edan透露，其實自己過去都試過用類似方法追女仔

mv畫面截圖

因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」

MV裡，Edan變身成為了茶餐廳外賣仔，他喜歡了一個經常嗌外賣的女生

mv裡面有啲好可愛嘅畫面

青春又貼地嘅故事情節

其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」